Orientimi seksual, një e drejtë njerëzore, Eric Heinze

Titulli: Orientimi seksual: një e drejtë njerëzore, një ese për ligjin ndërkombëtar të të drejtave të njeriut
Origjinali: Sexual orientation: a human right, an essay on international human rights law
Gjinia: Shkenca sociale
Autori: Eric Heinze
Shqipëroi: Kujtim Ymeri
Shtëpia botuese: Dituria
Viti: 2002
Fq. 408
Pesha: 0.498 kg
ISBN: 978-99927-47-76-5

Mbi librin

Ky libër është i pari që shqyrton orientimin seksual nga këndvështrimi i të drejtës ndërkombëtare njerëzore. Ai nuk "krijon" thjesht një platformë të drejtash dhe diskuton për "hyrjen" e tyre në të drejtën njerëzore. Ai analizon gjithashtu si duhet të ndërtohen normat ndërkombëtare për të përfshirë të drejtat kundër diskriminimit, në bazë të orientimit seksual, duke përfshirë të drejtën e privatësisë, barazisë, ligjërimit dhe të shprehurit.

Ai ngre çështje të relativizmit kulturor, besimit fetar, shkencës sociale dhe teorisë legale. Ai u drejtohet në radhë të parë juristëve të së drejtës ndërkombëtare, organizatave të të drejtave të njeriut, organizatave të të drejtave të gejve, studentëve të drejtësisë dhe kujtdo që interesohet në përhapjen e rolit të së drejtës ndërkombëtare si një faktor i mrekullueshëm kundërshtimi ndaj persekutimit dhe diskriminimit në botë.

Mbi autorin

Eric Heinze është studiues mjaft i njohur dhe autor i shumë librave rreth çështjeve të ndryshme të të drejtave njerëzore dhe civile. Ai është anëtar i Kolegjit të Avokatëve të Nju Jorkut dhe Masaçusetsit dhe ka marrë doktoraturën në drejtësi me rezultate të shkëlqyera nga Universiteti i Leidenit në Hollandë.