Titulli: Edhe një herë për teorinë e demokracisë
Gjinia: Filozofi, sociologji
Autori: Giovanni Sartori
Shqipëroi: Pavli Qesku
Shtëpia botuese: Dituria
Viti: 2006
Fq. 308
Pesha: 0.291 kg
ISBN: 978-99927-31-18-4
Komente mbi librin
"Ky është një përditim i shkëlqyer i veprës klasike të Sartorit, në të cilën ai rishikon teoritë kryesore të demokracisë së kohëve tona dhe përvijon me mprehtësi çështjet që dalin më në pah midis tyre. Sartori përmbledh një teori të vetën, të cilën ua paraqet lexuesve si një pikëpamje të re. Argumentimi i tij i hollë dhe i shkathët lëviz me zhdërvjelltësi midis shkollave të ndryshme të mendimit. Forca kryesore e librit qëndron në faktin se Sartori demonstron se teoritë preskriptive dhe përshkruese (idealja dhe realja) duhet të shkruhen midis tyre për të qenë të vlefshme. Qartësia dhe forca dramatike e kësaj vepre të një erudicioni të qartë e bëjnë atë shumë të vlefshme për studentët universitarë."
Uilliam T. Blum, Univeristetit i Roçesterit
"Kushdo që interesohet seriozisht për një teori të demokracisë do të mirëpresë botimin e këtij libri. Vepra e mëparshme e të njëjtit autor, "Teoria e demokracisë", një rishikim i së cilës është libri i ri, ka dhënë një kontribut të fuqishëm, jetëdhënës e të shquar për të kuptuar teoritë e demokracisë në ditët tona. Në librin e ri, Sartori merr parasysh, kur e sheh me vend, diskutimet që janë zhvilluar më vonë rreth kësaj çështjeje, por ai nuk ka bërë gabimin që t'i hyjë një ripunimi tepër të thellë të një vepre që është e shkëlqyer edhe ashtu siç është. Shpresoj se për lexuesit e brezit që do të vijë rishikimi i këtij libri do të jetë prapë një interpretim i freskët i teorisë së demokracisë."
Robert A. Dal, Universiteti i Jelit
"Ky është një libër i mrekullueshëm që përfaqëson një ndihmesë madhore në studimin e politikës, analiza më e rëndësishme teorike e demokracisë që nga Lufta ll Botërore. Libri është shkruar shumë bukur, më një stil qartësia e të cilit herë pas here shoqërohet me mendjemprehtësinë e hollë dhe ironinë therëse të autorit. Sa për nivelin e tij shkencor është një rast i rrallë, në mos i vetëm, të gjesh një autor që t'i dijë aq mirë rezultatet empirike ose që të jetë në gjendje të lidhë analizën filozofike me perspektivën historike."
S. E. Fainer, Univeristeti i Oksfordit
"Kjo është një lloj analize në të cilën qëndron forca e vërtetë e Sartorit. Unë do të thosha se në këtë çështje ai nuk ka konkurrent që të mund të matet me të. Është një vepër e fuqishme e hartuar nga një prej mendjeve tona më të forta në teori."
Arendi Lijphart, Universiteti i Kalifornisë, San Diego