Monolog, Artan Fuga

Titulli: Monolog, mediat dhe propaganda totalitare
Origjinali: Monolog, mediat dhe propaganda totalitare
Gjinia: Shkenca sociale
Autori: Artan Fuga
Shtëpia botuese: Dudaj
Viti: 2010
Fq. 296
Pesha: 0.305 kg.
ISBN: 978-99943-0-146-1

Fragment nga libri

Autizmi mbetet mekanizmi thelbësor i funksionimit të mediave totalitare. Ato perceptojnë si informacione vetëm të dhënat informative që janë në përputhje me parimet ideologjike dhe politike që i drejtojnë. Shohin atë që duan të shohin, dëgjojnë atë që duan të dëgjojnë.

Mendohet se publiku flet dhe reagon njësoj si media. Se, në parim, midis publikut dhe medias nuk ka asnjë dallim. Pushteti, mediat e kohës dhe publiku shpallen se janë e njëjta gjë: një unitet i tre elementëve që, vetëm në pamje relative dhe shumë të sipërfaqshme duken si të veçuar prej njëri-tjetrit.

Nga kjo pikëpamje, vetëm sistemi i komunikimit brenda tyre mbetet një monolog gjigant, një e folur më vete, një komunikim me veten. Pra, një lloj autizmi kolektiv me përmasa të gjera dhe për disa dekada me radhë, pasojat e të cilit vazhdojnë të ndihen në opinionin publik shqiptar edhe shumë vite pas rënies së atij që quhej modeli socialist i shoqërisë shqiptare.

Mbi autorin

Artan Fuga është profesor, anëtar i Akademisë së Shkencave të Shqipërisë, i doktoruar në filozofi dhe më pas në shkencat e komunikimit dhe informimit publik.