Titulli: Hegel, Fenomenologjia e shpirtit
Gjinia: Filozofi, kritika
Autori: Ralf Ludwig
Shqipëroi: Valentina Kazanxhi
Shtëpia botuese: Ideart
Viti: 2005
Fq. 208
Pesha: 0.241 kg
Mbi librin
Ky libër nuk është menduar si një interpretim letrar i përpiktë i tekstit, që e ngurtëson librin dhe e shndërron në një vepër të thatë, siç mund të jetë një leksik apo një fjalor. Më tepër, kjo është një përpjekje për një riprodhim të druajtur të mendimit të fuqishëm të Hegelit, rrekje e ndërtuar në mënyrë që lexuesi, në vazhdën e një leximi progresiv, të kuptojë gjithnjë e më shumë.
"Pas Hegelit nuk do të ketë më filozofi'', një frazë kjo shumë e përhapur në shekullin e shkuar. Sistemi filozofik i Hegelit, pas atyre të Arsitotelit, Thoma Akuinit dhe Kantit, ka qenë në të vërtetë projekti i fundit filozofik, i gjerë dhe i plotë, i cili është paraqitur dhe është gjykuar si i arrirë. Pas Hegelit, asnjë mendimtar tjetër nuk ka prodhuar një sistem të tillë të mbyllur, që të ketë pasur një ndikim të denjë për t'u shënuar lidhur me mënyrën se si shkon bota. Në këtë kuptim, Hegeli është vërtet "filozofi i fundit''.
Ka shumë arsye për ta lexuar Hegelin. Disa mendojnë se ai është paraardhësi i marksistëve. Për të tjerë, ai ka qenë pararendës i ekzaltimit fatal të shtetit. Por edhe në këtë rast, para se të pohojmë diçka të tillë, më parë duhet të njohimn Hegelin.Duhet shumë durim për të ndjekur gjurmët e mendimit të Hegelit, por një pasion edhe më i madh, ndoshta më i madhi që mendimi njerëzor ka provuar në rrjedhën e historisë së tij, është pasioni që të drejton te ky mendim.
Kështu, lexuesi grishet të jetojë pak me këtë pasion të mendimit, ose të paktën "ta shijojë'' atë. Ky libër nuk është menduar si një interpretim letrar i përpiktë i tekstit, që e ngurtëson librin dhe e shndërron në një vepër të thatë, siç mund të jetë një leksik apo fjalor. Më tepër, kjo është një përpjekje për një riprodhim të druajtur të mendimit të fuqishëm të Hegelit, rrekje e ndërtuar në mënyrë që lexuesi, në vazhdën e një leximi progresiv, të kuptojë gjithnjë e më shumë, duke ndërthurur tekstet hegeliane me komente, nën drejtimin e Ralf Ludwig, njërit prej njohësve më të mirë të Hegelit.