Qyteti i Diellit, Tommaso Campanella

Titulli: Qyteti i Diellit
Origjinali: La cittá del sole
Gjinia: Filozofi
Autori: Tommaso Campanella
Shqipëroi: Erion Kristo
Shtëpia botuese: ISP & Dita 2000
Viti: 2008
Fq. 96
Pesha: 0.111 kg
ISBN: 978-99943-57-49-9

Mbi librin

Qyteti i Diellit, një utopi politiko – fetare e tejngopur me astrologji, është paraqitja dhe përshkrimi i një ideali racionalist që nuk gjen vend në realitetet njerëzore dhe që megjithatë parashtrohet si shoqëria më e mirë e mundshme: komunizmi teokratik.

Ndërsa përshkohet nga kuptime e simbolika të ndryshme, lëkundet mes besimit, astrologjisë dhe magjisë, Qyteti i Diellit përcjell metaforikisht idetë abstrakte të filozofisë politike të Campanella – s në një përfytyrim konkret.

Kritika bashkëkohëse e ka interpretuar mendimin e tij paradoksal edhe si pasqyrim të klimës politike e sociale të Rilindjes së Vonë Italiane, ndërkohë që shumëkush te kjo vepër ka parë një pararojë të mendimit marksist.

Mbi autorin

Tommaso Campanella (1568 – 1639), teolog dhe mendimtar i Rilindjes së Vonë Italiane, poet dhe astrolog, njeri i fjalës e i veprimit: u burgos për shkak të veprimtarisë së tij si dhe besimeve të tij heretike. Me vëzhgimin e drejtpërdrejtë të natyrës dhe studimin e saj nëpërmjet eksperimentit, ai i paraprin filozofisë së natyrës të Bacon – it dhe çmohet si një ndër mendimtarët e parë e të rëndësishëm reformatorë të epokës moderne.