Bursa dhe tregu i letrave me vlerë në Shqipëri, Elvin Meka

Titulli: Bursa dhe tregu i letrave me vlerë në Shqipëri, diskutime, analiza, studime, propozime, 1998 – 2015
Origjinali: Bursa dhe tregu i letrave me vlerë në Shqipëri, diskutime, analiza, studime, propozime, 1998 – 2015
Gjinia: Financë
Autori: Elvin Meka
Shtëpia botuese: UET Press
Viti: 2015
Fq. 338
Pesha: 0.381 kg.
ISBN: 978-9928-39-190-30-7

Koment nga Adrian Civici

Pjesa dërrmuese e materialeve, eseve dhe analizave që janë pasqyruar në këtë libër bazohen në fakte, probleme e situata konkrete në Bursën e Tiranës, banka tregtare, vendime të qeverisë shqiptare, zhvillime menaxheriale e strategjike në korporata të ndryshme, segmente e institucione të tregjeve financiare e monetare etj.

Për këtë arsye, trajtimi i tyre analitik në këtë botim të ri të autorit është me interes të veçantë, si për studiuesit, akademikët e studentët, ashtu dhe për vetë ecurinë e këtyre institucioneve. Në mjaft raste, konkluzionet e autorit nuk janë thjesht dhe vetëm teorike, por kanë vlera praktike që mund të merren në konsideratë nga institucionet e interesuara.

Mbi autorin

Prof. Asoc. Dr. Elvin Meka është Zv. Dekan i Fakultetit Ekonomik & Teknologjisë së Informacionit dhe Përgjegjës i Departamentit të Financës në Universitetin Europian të Tiranës (UET). Krahas përfshirjes në sektorin akademik, z. Meka është kryeredaktor i revistës "Bankieri", botim i Shoqatës Shqiptare të Bankave (AAB) dhe Kryetar i Komitetit të Auditit të Brendshëm në Ministrinë e Financave.

Prof. Asoc. Dr. Elvin Meka ka më shumë se 17 vjet përvojë në banking qendror dhe tregtar, si dhe në tregjet e kapitaleve dhe të letrave më vlerë në Shqipëri. Z. Meka ka punuar në institucione të ndryshme si: Banka e Shqipërisë (Departamenti i Emisionit, Divizioni i Operacioneve Monetare, Departamenti i Bursës së Tiranës), Bursa e Tiranës SHA (Drejtor i Përgjithshëm), Shoqata Shqiptare e Bankave (Sekretar i Përgjithshëm), Banka Emporiki, Shqipëri, Credit Agricole Group (Drejtor Financiar); anëtar i Këshillit Konsultativ të Biznesit (në Ministrinë e Ekonomisë, Tregtisë & Energjitikës), anëtar i Bordit të Agjencisë së Zhvillimit të Zonave Malore (MADA).