Doktrina Shok, Naomi Klein

Titulli: Doktrina Shok, lartësimi i kapitalizmit të shkatërrimit
Origjinali: The Shock Doctrine: The Rise of Disaster Capitalism
Gjinia: Ekonomi
Autori:Naomi Klein
Shqipëroi: Luan Kola
Shtëpia botuese: Ombra GVG
Viti: 2015
Fq. 684
Pesha: 1.022 kg.
ISBN: 978-9928-06-109-6

Komente mbi librin

"Libri "Doktrina Shok" është një sipërmarrje masive e kurajoze, që shpreh kritikën pasionante të Naomi Klein ndaj dhunës që shoqëron imperializmin ekonomik amerikan. Kritikë kjo, që jo vetëm konsiderohet e nevojshme, por është tepër urgjente."

Eric Klinenberg, "BookForum"

"Vepra e Klein po taton pulsin e gjeneratës sonë dhe ka gjasa të çjerrë maskën e rrezikut që ekziston në të ardhmen që na pret pas periudhës së Bushit junior."

Julie Wheelwright, "The Independent [UK]"

"Një stil tejet pasionant i të shkruarit, me përmasa gjigante infor-macioni, me ide kontraverse të mahnitshme dhe njëkohësisht të frikshme si një ferr."

John Le Carre

"Në këtë terren gjithnjë në rrëshqitje e rrokullisje drejt greminës së Revolucionit Ekonomik të "Tregjeve të Lira" të Milton Fridmanit, Alternativa Historike e Naomi Klein na paraqitet si një kundërshti e atij miti të krijuar, realizuar nëpërmjet një lëvizjeje triumfuese madhështore dhe paqësore.

Që nga Kili i vitit 1973 e deri në Irak, madje edhe më gjerë, Klein na tregon sesi doktrina e Fridmanit dhe e pasuesve të tij ka shkaktuar goditje shokuese të tmerrshme, të shoqëruara me violenca, me qëllim implementimin e politikave të tyre radikale.

Ka qenë tejet i saktë John Grey në shkrimin e tij në 'The Guardian', kur ka konkluduar: 'Kemi shumë pak libra të tillë, që na ndihmojnë për të kuptuar kohërat e shkuara dhe të tashmen. Doktrina Shok është njëri nga këto libra të pakët. Një stil i frikshëm dhe një ndërthurje brilante... Klein na shfaqet më së miri si një mjeshtër i madh i narrativës së kohës sonë."

William S. Kowinski, "San Francisco Chronicle"

"Naomi Klein me këtë libër radhitet në traditën më të mirë të I.F.Stone dhe Apton Sincler. Ajo është një analiste që gërmon aty ku të tjerët shikojnë anën sipërfaqësore, pa u thelluar. Unë e dua dhe e vlerësoj punën e saj, dhe si një burrë i shekullit XX unë e përshëndes punën e një gruaje që i përket shekullit XXI."

Studs Terkel

"Një studim bindës i skutave të errëta të kapitalizmit të sotëm... Nga epoka postkomuniste e Rusisë dhe Polonisë, në epokën e postaparteidit në Afrikën e Jugut, ku aspiratat demokratike të njerëzve të çliruar ishin shkatërruar nga "Djemtë e Çikagos", shpesh herë në bashkëpunim me Fondin Monetar Ndërkombëtar dhe Bankën Botërore."

Stephen Amidon, "Nju Jork Tajms"

Mbi autoren

Naomi Klein është autore e shquar librash dhe skenarësh të filmave, si dhe fituese e shumë çmimeve në gazetari. Ajo është mjaft e njohur për veprimtarinë intensive letrare, artistike, publicistike dhe shoqërore për afro tre dekada.

Libri i saj i parë, bestselleri ndërkombëtar "No logo" (Pa simbole) është përkthyer në 28 gjuhë dhe është quajtur "Bibla e lëvizjes" nga gazeta "New York Times". Klein shkruan në rubrikën për sindikatat ndërkombëtare, në "The Nation" dhe "The Guardian", si dhe ka shkruar në "Harper's Magazine", duke raportuar nga Iraku gjatë luftës atje.

Klein është dalluar për kritikat e saj rreth luftës së SHBA – ve në Irak, si dhe për kriticizmin e argumentuar ndaj politikave të shtetit të Izraelit. Ajo është një aktiviste e shquar e Lëvizjes Ambientaliste lidhur me ndryshimet e klimës globale, si dhe aktiviste në lëvizje të tjera sociale, siç janë ato të Okupimit të "Wall Sreet".