• Banner

Kurthet e papunësisë, Kosta Barjaba

Libri "Kurthet e papunësisë" i studiuesit të njohur të çështjeve sociale Kosta Barjaba vjen në një moment kur në Shqipëri, por dhe në botë, diskutimet, analizat, propozimet dhe zgjidhjet për çështjen e punësimit dhe papunësisë janë në fokus më shumë se kurrë.

7,65 GBP
Sasia
Në gjendje

Përshkrimi

Titulli: Kurthet e papunësisë
Gjinia: Ekonomi
Autori: Kosta Barjaba
Shtëpia botuese: UET Press
Viti: 2013
Fq. 246
Pesha: 0.305 kg.
ISBN: 978-9928-4182-2-7

Mbi librin

Libri "Kurthet e papunësisë" i studiuesit të njohur të çështjeve sociale Kosta Barjaba vjen në një moment kur në Shqipëri, por dhe në botë, diskutimet, analizat, propozimet dhe zgjidhjet për çështjen e punësimit dhe papunësisë janë në fokus më shumë se kurrë.

Krahas shqetësimeve për menaxhimin e situatës së borxheve publike apo nxitjen e rritjes ekonomike, papunësia duket se përbën sfidën më të madhe për ekonomitë, qeveritë dhe shoqërinë e sotme.

Si ta përballojmë atë? Nga shkaktohet më së shumti papunësia? A kemi gjetur sistemet më të mira të punësimit dhe reduktimit të papunësisë? Është treguesi i përkohshëm i lidhur me ciklin ekonomik dhe krizën globale apo një fenomen gjithnjë e më strukturor për një kategori ekonomish e vendesh të caktuara? A ka një formulë globale për luftën kundër papunësisë? A mund të kopjohen përvojat e të tjerëve në këtë aspekt? Po Shqipëria si duhet të përballet me këtë sfidë?

Pyetje dhe pikëpyetje të tilla e gjejnë veten në gjithë faqet e këtij libri, në një tentativë të lavdërueshme për t'u shoqëruar dhe me përgjigje e sugjerime të mundshme për zgjidhjen e tyre, duke i dhënë shumë sens dhe asaj çka shprehet që në titull "Kurtheve të papunësisë"!Një nga pjesët më interesante të librit është analiza që autori ju bën formave të papunësisë dhe teorive kryesore ekonomike e sociale që i analizojnë dhe i shpjegojnë ato.

Me përjashtim të pak ekspertëve të fushës, teoritë moderne rreth papunësisë nuk janë shumë të njohura për publikun e gjerë, por mbi të gjitha, nuk janë të njohura dhe për vendimmarrësit dhe institucionet që çështjet e papunësisë i kanë në fokus të angazhimeve dhe sfidave që duhet të përballojnë. Në këtë këndvështrim, libri "Kurthet e papunësisë" mund të konsiderohet pa hezitim edhe si një kontribut real dhe i mirëpritur në sferën e shpjegimit teorik modern të formave të papunësisë.

Është kënaqësi për çdo lexues të navigojë faqeve të librit në shpjegimet për papunësinë klasike, papunësinë ciklike, strukturore, friksionale, të fshehtë, vullnetare, ndeshëse etj. Të përpiqet t'i japë një përgjigje, ndoshta njërës nga pyetjeve më tunduese e vjetër sa vetë shkenca ekonomike: a është i mundur punësimi i plotë? Të përpiqet të japë një shpjegim, qoftë dhe për rastin e Shqipërisë: me çfarë lloj papunësie ndeshemi më shumë? Papunësi klasike, papunësi keynesianiste, papunësi vullnetare apo papunësi të fshehtë?

Vetëm një përgjigje e saktë në këtë aspekt mund të garantojë se politikat tona për reduktimin e papunësisë mund të jenë efektive e reale. Në rast të kundërt, çdo gjë kthehet në amatorizëm e populizëm pa vlerë. Në faqet e librit, çdo lexues ndjehet shumë mirë dhe i plotësuar në këtë rrugëtim në problematikën e punësimit dhe papunësisë, kur lexon përvojat, sukseset e dështimet në kontekstin global të reformave në tregun e punës që kanë bërë e po bëjnë vende të zhvilluara si SHBA, Britania e Madhe, Gjermania, Italia, Spanja apo Franca.

Më shumë se sa një fotografim i politikave dhe i debateve që zhvillohen në këto vende, duket se autori është përpjekur të përcjellë dy mesazhe shumë të rëndësishme. Së pari, larmia e përpjekjeve të shumë vendeve nga më të zhvilluarit e botës është shumë e madhe dhe, për pasojë, njohja e këtyre përvojave mund të shërbejë si një bazë solide për të diskutuar e vendosur për politikat më të mira të punësimit në Shqipëri në mënyrë që ta tejkalojmë fazën e një lloj amatorizmi apo populizmi në këtë aspekt; së dyti, sado e mirë dhe çudibërëse që të duket përvoja e një vendi tjetër, ajo duhet parë në kontekstin dhe specifikat e saj dhe nuk mund të kopjohet me shpresën se do të japë të njëjtin rezultat dhe te ne.

Komente mbi librin

"Pasi lexon këtë libër të kolegut Barjaba bindesh përse Shqipëria mbetet ende një eksportuese e forcës së punës. Analizat e asimetrive të zhvillimit të Shqipërisë janë origjinale. Rekomandimet për t'u shpëtuar kurtheve të varfërisë janë brilante."

Prof. Russell King, Universiteti Sussex

"Me formimin e tij poliedrik, si akademik, studiues dhe vizionar, Kosta Barjaba ka projektuar një Shqipëri ku njerëzit mund të punojnë."

Prof. Maria Immacolata Maccioti, Universiteti "La Sapienza"

"Ky libër na zbulon një prej mistereve të vonesave të Shqipërisë në rrugën drejt demokracisë dhe tregut."

James Neathery, MA, Shkolla e Ligjit dhe e Diplomacisë "Fletcher", Universiteti Tufts

"Lexoni domosdo këtë libër, të shkruar nga Kosta Barjaba, ky shqiptar europian."

Prof. Alberto Gasparini, Univeristeti i Triestes

"Me këtë libër Kosta Barjaba na rikujton se papunësia dhe varfëria mbeten dy armiq të rrezikshëm të demokracisë, por sidomos të rinisë."

Prof. Ola Stafseng, Universiteti i Oslos

Detajet e librit
UET Press

Referencat specifike

isbn
9789928418227
ean13
9789928418227
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
Ndoshta mund të pëlqejë edhe

Referenca: 2207

Botuesi: Helga's Secrets

Kazinoja e Djallit, Vicky Ward

Ngjarja më e hidhur në fushën e tregjeve dhe shërbimeve financiare në botë do të shënohej me falimentimin e kompanisë "Lehman Brothers" dhe me krizën ekonomike botërore të vitit 2008. E themeluar së pari në Alabama më 1850 nga tre vëllezërit Lehman, tre jahudinj të ardhur nga Bavaria, përkatësisht Henry, Emanuel dhe Mayer.

Çmimi 9,35 GBP
More
Ne gjendje

Botuesi: IDK

Triumfi i parasë, Niall Ferguson

Një libër mjaft aktual për çastin që po kalon sot bota. Niall Ferguson na tregon se si në të vërtetë historia e financës qëndron në sfond të gjithë historisë së njerëzimit. Që nga Babilonia e Lashtë, te dinastia e bankierëve që hodhi themelet e Rilindjes Italiane, tek flluska e tregut të obligacioneve që shkaktoi Revolucioni Francez.

Çmimi 10,20 GBP
More
Ka mbaruar

Botuesi: UET Press

Shteti apo tregu, Adrian Civici

Autori ngre një pyetje të rëndësishme për lexuesit dhe bën një analizë të shtjelluar të situatës ekonomike dhe të modeleve më të suksesshme të saj në vendet e zhvilluara dhe në ata në zhvillim. Sugjerimet janë të qartat për këto modele.

Çmimi 10,63 GBP
More
Në gjendje
16 libra të tjera në këtë kategori:

Botuesi: Botime Koliqi

7 strategji për pasuri dhe lumturi, Jim Rohn

Parimet që ai na ka mësuar nuk janë vetëm të atilla që të ndryshojnë jetën, por janë vërtet të përjetshme. Me këtë nënkuptoj që funksionojnë vërtet. Një ndër gjërat që unë mendoj për të vërtetat e mëdha është se ato vlejnë përtej kohës dhe i rezistojnë asaj.

Çmimi 8,50 GBP
More
Në gjendje

Referenca: SKU001587

Botuesi: Tirana Times

Biznesi Ndërkombëtar, Michael Czinkota, Ilkka Ronkainen, Michael Moffet

Përvoja e autorëve, si ekspertë dhe akademikë, na sjell në këtë tekst një zë të sprovuar dhe të ekuilibruar. Teksti është ndërtuar mbi një bazë të fortë teorish dhe përfshin shembuj aktualë, çështje dhe njohuri që tregojnë sesi këto koncepte zbatohen në bizneset botërore.

Çmimi 27,20 GBP
More
Ne gjendje

Botuesi: Minerva

Fundi i tregut të lirë, Ian Bremmer

Fundi i tregut të lirë detajon fenomenin gjithnjë e në rritje të kapitalizmit shtetëror, një sistem në të cilin qeveritë kontrollojnë ekonomitë lokale përmes zotërimit të kompanive që dominojnë tregun dhe rezervave të mëdha të kapitalit me tepri, duke shfrytëzuar kështu për përfitime politike. Ky trend është një kërcënim për avantazhin e Amerikës dhe për...

Çmimi 10,20 GBP
More
Në gjendje

Referenca: SKU001456

Botuesi: Papirus

Fundi i varfërisë, Jeffrey D. Sachs

Një pikë referimi për rrënjët e begatisë ekonomike dhe shtegun që nxjerr nga varfëria e skajshme njerëzit më të varfër të botës. I përshëndetur nga Times si një nga 100 njerëzit më me ndikim të botës, Jeffrey Sachs është i njohur anembanë botës për punën e tij në shumë vende si këshilltar në kohë krizash.

Çmimi 8,50 GBP
More
Ka mbaruar

Referenca: 2699

Botuesi: Botart

Bumerang, Michael Lewis

Tsunami i kredisë së lirë që u përhap nëpër planet ndërmjet viteve 2002 dhe 2008, ishte më tepër se një fenomen i thjeshtë financiar: ishte një tundim që iu dha shans shoqërive të zbulojnë aspekte të karakterit të tyre, të cilat ato nuk do të mund t'i përballonin në kushte normale.

Çmimi 6,80 GBP
More
Artikujt e fundit në gjendje

Botuesi: Elta BS

Baba i pasur, Babai i varfër, vol.2, Robert T. Kiyosaki, Sharon Lehter

Përse në Epokën industriale shumica e prindërve donin që fëmijët e tyre të bëheshin doktorë mjekë, kontabilistë apo avokatë.., dhe përse, në Epokën e informacionit këto profesione jane në atak financiar? A ke vënë re se shumë nga të diplomuarit më të shkëlqyer nga universitetet tona duan të punojnë për të përjashtuarit nga shkolla... të përjashtuar si...

Çmimi 8,50 GBP
More
Në gjendje

Referenca: SKU001502

Botuesi: Te tjere

Fjalor termash biznesi, finance dhe juridiksioni ekonomik, Anglisht-Shqip, Luan Kaceli

Ky Fjalor përmban rreth 20.000 terma, dhe është përmirësimi dhe zgjerimi i plotë i Fjalorit të mëparshëm "Terma Juridike, Ekonomike dhe Biznesi", i botuar më parë, i cili përmbante rreth 9.000 terma. Nga vetë numri i termave, rezulton se ky fjalor përmban mbi dyfishin e termave të shtjelluara në Fjalorin e parë, dhe një përmirësim të dukshëm të termave të...

Çmimi 10,20 GBP
More
Ka mbaruar
Përshtypjet (0)