Kategoritë

Botuesit

Autorët

Drama, Martin Camaj Shihe të plotë

Drama, Martin Camaj

Ngjarja e kësaj drame mbështetet tërthorazi në një zezonë gjakmarrje të pashembullt gjithkund shtrihej dikur pushteti i Kanunit të Lekës. Tregohet se në shekullin e kaluem, përmbi Drin, përpara se ky lumë then qafën, vdiq një malësor. Ai e kishte lanë me fjalë që t'i baheshin drekët mortore ma të mëdhatë që mund të ishin.

Info shtesë

SKU002069

Disponueshëria: Ne gjendje

$7.89

Me ulje çmimi!

-20%

$9.86

Klientët që blenë këtë libër, blenë edhe...

  • Kanuni i Leke Dukagjinit

    Kanuni i...


    Lekë Dukagjini është një figurë historike mjaft...

  • Lirika mes dy moteve, Martin Camaj

    Lirika mes...


    Në këtë syzim, autori i kësaj përmbledhjeje...

  • Palimpsest, Martin Camaj

    Palimpsest,...


    Rreziku i vëzhgimit të cekët, asnjë milimetër i...

Titulli: Drama
Origjinali: Drama
Gjinia: Drama
Autori: Martin Camaj
Shtëpia botuese: Onufri
Viti: 2012
Fq. 240
Pesha: 0.28 kg
ISBN: 978-99956-87-70-0

Mbi librin

Ngjarja e kësaj drame mbështetet tërthorazi në një zezonë gjakmarrje të pashembullt gjithkund shtrihej dikur pushteti i Kanunit të Lekës. Tregohet se në shekullin e kaluem, përmbi Drin, përpara se ky lumë then qafën, vdiq një malësor. Ai e kishte lanë me fjalë që t'i baheshin drekët mortore ma të mëdhatë që mund të ishin.

Malësori kishte arsyetue kështu: po vdes pa lanë djalë në votër. Mbasi për së gjalli nuk kam qenë as trim, as i pasun, së paku dëshiroj që në vdekje gjindja të flasin për mue. Duhet të më marrin nëpër gojë për një ditë, kishte thanë ai, as me pasë krye unë kushdi çfarë punësh në shej. E la me gojë edhe që në drekët e tij të qitet raki e mirë rrushi që rritet kokërrvogël, por i ambël, ndër bija të rreshkuna prej diellit përballë Drinit.

Burri i malësisë, pra lypte edhe këtë përjashtim sepse mbas dokes nuk qitet as raki, as venë ndër drekë mortore; një përjashtim, ndoshta me paramendim të keq, simbas mendimit të vetjes kryesore të dramit! Ndër drekët e malësorit erdhi i thirrun e i pathirrun. Ndodhi që u gjetën ballë përballë në këtë vis të Kanunit të Lekës gjaks dhe gjakmarrës. Dhe sikur të ishin ndeshë në ndonjë vend tjetër e, jo, si të grishun në mort, do të kishte plasë aty për aty arma e zjarmët.

Të grishunit hangrën e pinë, tue kuvendue shembri me shembër, mbasi kështu e lypte burrnia kanunore! Kah mbarimi ngjau që plasi një pushkë, ndoshta edhe pahiri. Pa pyetë se çka qe, secili - i nxemë edhe prej pije - lëshon në armë dhe shtie në anmik, dikush për të marrë gjakun, një tjetër për t'u mbrojtë. Për afër dhjetë minuta, u vranë aty, pa luejtë vendi, njëzet e katër vetë, vdekë e plagosë.

Pesëdhjetë vjet ma vonë, po në këtë trevë ku kishte ndodhë kjo zezonë përpiqen vetjet e kësaj drame "Loja e mbasdrekës" të gjejnë shkaqet kryesore të rreshkatës dhe atë njeri që ka nisë grindjen ma të përgjakshme në historinë e atij visi, përmbi se then Drini qafën.

 

  • Autori Martin Camaj