Çamët myslimanë të Epirit (1923-2000), Eleftheria Manda

Titulli: Çamët myslimanë të Epirit (1923 – 2000)
Gjinia: Histori
Autori: Eleftheria Manda
Shqipëroi: Instituti i Studimeve Ballkanike, Selanik
Shtëpia botuese: Toena
Viti: 2015
Fq. 352
Pesha: 0.579 kg.
ISBN: 978-9928-4277-1-7

Mbi librin

Mbi dhjetë vjet kanë kaluar nga botimi i parë në gjuhën greke i librit që kini në duar, vite të pasura në zhvillime për sa u përket marrëdhënieve greko-shqiptare, dhe veçanërisht frytdhënëse për afrimin midis dy popujve.

Në këtë periudhë, dy palët kanë bërë përpjekje serioze për një qasje të re, shkencore, të çliruar nga stereotipat dhe ngërçet e së kaluarës, për shumë çështje që karakterizuan rrugëtimin historik të Grekëve dhe të Shqiptarëve në epokën moderne, midis të cilave edhe atë të Çamëve që jetuan në Epirin grek deri në fund të Luftës së Dytë Botërore.

Nëpërmjet punimeve të historianëve në nivel ndërkombëtar, janë bërë të njohura më shumë ngjarje, ekzistojnë mundësi më të mëdha për një qasje tërësore dhe për një kuptim më të plotë të zhvillimeve që shënjuan vendimet dhe zgjedhjet që bënë njerëzit, të cilët ose ishin protagonistë, ose thjesht i përjetuan ato ngjarje.

Nga ky këndvështrim, botimi i parë në gjuhën greke i librit, ia arriti plotësisht qëllimit të tij, të shërbejë domethënë, si pikënisje për një dialog të mbështetur në prova e dokumente, rreth një teme të rëndësishme historike e cila është injoruar për shumë dhjetëvjeçarë.

Përkthimi i tij në gjuhën shqipe do të krijojë mundësinë që të bëhen të njohura edhe për publikun shqiptar, ato konkluzione që rezultuan nga kërkimi shkencor. Fakti se historiografia e mëvonshme shtoi edhe shumë informacione të tjera dhe plotësoi shumë prej boshllëqeve në kujtesën e bashkëkohësve, nuk besoj se ul sadopak rëndësinë e këtij libri.