Nga Çaslavi në Hollywood, Miloš Forman

Titulli: Nga Çaslavi në Hollywood
Origjinali: Miloš Forman a Jan Novák, Co Ja Vim?
Kategoria: Kujtime
Autori: Miloš Forman
Përgatiti për botim: Kadrie Kadare
Botuesi: Onufri
Viti: 2012
f:
Pesha: 0.69 kg
ISBN: 978-99956-87-99-1
Ky libër është në gjuhën shqipe

Mbi librin
Një ditë të ftohtë janari, më shkrepi në kokë një ide e çuditshme. Në pushimin pas leksioneve, u kërkova disa studentëve e pedagogëve të Akademisë Marubi, që të qëndronin në oborr pranë filxhanit të kafesë, apo duke thithur një cigare, të bënim së bashku një fotografi. U thashë se doja që ajo fotografi t’i shkonte në Nju Jork Milosh Formanit, tamam në prag të tetëdhjetëvjetorit të ditëlindjes së tij. Se kush ishte Formani, nuk ishte e nevojshme t’ua thosha. Sapo kisha përfunduar me ta një cikël leksionesh, bisedash e shfaqje filmash të njeriut që ata e dinin se ishte për mua një pikë e madhe referimi jetësor e profesional.
Kishte lindur në një qytet të vogël të Çekisë, në Çaslav, tamam në ditën e Shën Valentinit, pra më 14 shkurt të vitit 1931. E dija gjithashtu se tashmë këtij regjisori të famshëm i shkonin çdo ditë me dhjetëra letra e fotografi, skenarë e kërkesa nga më të çuditshmet. Por, dyshimin se atë letër të pazakontë të dërguar nga Shqipëria do ta injoronte, e mbajta për vete. Ndaj, u gëzova pa masë, kur Formani, jo vetëm që nuk e injoroi atë fotografi, me anë të së cilës disa të panjohur i uronin me zemër ditëlindjen, por dërgoi edhe një përgjigje të ngrohtë të shkruar me dorën e tij.
Në jetë kam lexuar shumë jetëshkrime dhe të jem i sinqertë, është një lloj zhanri që e parapëlqej, por për mua, autobiografia e Milosh Formanit është pa dyshim më e përkryera, jo vetëm për faktin se ai ashti si unë ia ka kushtuar jetën më shumë kinemasë se sa aftësisë që përmes jetës së tij arrin të mësojë me elegancë shumë më tepër se sa një libër voluminoz për historinë e Europës dhe të botës.
Piro Milkani