Kujtime lufte, Bashkimi 1942 - 1944, vol. 2, Charles de Gaulle

Titulli: Kujtime lufte, Bashkimi 1942 – 1944, vëllimi i dytë
Origjinali: Memoires de Guerre: L'unite, 1942 – 1944
Gjinia: Histori, kujtime
Autori: Charles de Gaulle
Shqipëroi: Krenar Hajdëri
Shtëpia botuese: Fan Noli
Viti: 2017
Fq. 520
Pesha: 0.647 kg.
ISBN: 978-9928-251-13-8

Fragment nga libri

Përse kërkoni që ne të fshehim emocionin që na ka mbërthyer të gjithë, burra dhe gra, ne të gjithë, të mbledhur këtu, në shtëpinë tonë, në Parisin e ngritur si një trup i vetëm në këmbë, për t'u çliruar e duke e bërë këtë me duart e tij?

Jo! Ne nuk do ta fshehim këtë emocion të thellë e të shenjtë. Ngandonjëherë ekzistojnë çaste të tilla të aftë të tejkalojnë secilën prej jetëve tona të mjera.

Parisi! Parisi i nëpërkëmbur! Parisi i thyer! Parisi i martirizuar! Por Parisi i çliruar! I çliruar prej vetë vetes së tij, i çliruar nga populli me ndihmën e ushtrive të Francës, me mbështetjen dhe ndihmën e Francës mbarë, të Francës që lufton, të së vetmes Francë, të Francës së vërtetë, të Francës së amshuar.

Dhe ja! Armiku që mbante qytetin, ka kapitulluar në duart tona, Franca hyn në Paris, hyn në shtëpinë e saj. Ajo hyn e përgjakur, por e vendosur. Ajo hyn e ndriçuar prej një mësimi të madh dhe më e sigurtë se kurrë për detyrimet dhe të drejtat e saj.