Shtëpia e shpirtrave, Isabel Allende

Titulli: Shtëpia e shpirtrave
Origjinali: La casa de los espíritus
Gjinia: Roman
Autori: Isabel Allende
Shqipëroi: Viktor Kalemi
Shtëpia botuese: Dudaj
Viti: 2018
Fq. 460
Pesha: 0.487 kg.
ISBN: 978-9994-0-558-2

Mbi librin

"Shtëpia e shpirtrave" është një sagë familjare ku pasqyrohet historia dhe fati i një populli të tërë, i popullit të Kilit, përmes rrëfimeve të grave të një familjeje të rëndësishme dhe ekstravagante. Një afresk i bukur që për nga joshja dhe emocioni i kujton lexuesit që adhuron realizmin magjik vetëm "100 vjet vetmi" të Marquez.

Është fitues i një numri të pafund çmimesh ndërkombëtare, është një libër i shkëlqyer i letërsisë bashkëkohore, i cilësuar si një ndër 100 më të lexuarit e letërsisë së sotme.

Në roman përshkruhen në mënyrë marramendëse ngjarjet e vërteta të historisë, fshehur pas një fasade letrare. Në këtë sfond historik, të mirëpërcaktuar, hap krahët ngjarja në formën e një legjende.

Dhe rrëfimi brilan shpalos historinë në tre breza të familjes së Esteban Truebës i cili bie në dashuri me Rozën e bukur. E këtu nis e gjithë historia e kësaj familjeje...

Fletoret e vjetra të Klarës, të shkruara gjatë periudhave të gjata të heshtjes të saj, shpalosin historinë e familjes e të vendit, të komploteve, dashurive dhe urrejtjeve, fajeve dhe hakmarrjeve, paudhësive dhe mirësive.

Ëndrrat, shpresat, dashuritë, trashëgimitë shpirtërore dhe lidhjet mes njëri – tjetrit të cilat bëjnë që faqet e librit të fluturojnë njëra pas tjetrës. Ky roman të lë gojëhapur për fuqinë shprehëse dhe bukurinë e përshkrimit.

Pa dyshim ai është një roman që mban edhe peshën e përshkrimit të ngjarjeve historikë të vendit, përmes të njëjtit talent letrar që e bënë Isabel Allende – n një shkrimtare të famshme.