Libri i Baltimoreve, Joel Dicker

Titulli: Libri i Baltimorëve
Origjinali: La livre des Baltimore
Gjinia: Roman
Autori:Joël Dicker
Shqipëroi: Margarita Skënderi
Shtëpia botuese: Dudaj
Viti: 2018
Fq. 432
Pesha: 0.376 kg.
ISBN: 978-99943-0-544-5

Mbi librin

Në plot 430 faqe, Markus Goldman, protagonisti i shkëlqyer rrëfen në vetën e parë historinë e familjes së madhe Goldman – tashmë të ndarë në dy shtresa shoqërore: Goldmanët e pasur që jetojnë në Baltimorë dhe Goldmanët e mesëm të Montklerit, të cilëve u përket edhe Markusi.

Ata janë tre djem: Markusi, Hileli, kushëriri i zgjuar dhe karizmatik, dhe Vudi. Ngjarjet fillojnë të koklaviten kur në jetën e të rinjve hyn Aleksandra. Gjatë fëmijërisë së Markusit, çdo gjë është e mrekullueshme. Ai e adhuron xhaxhanë, kushërinjtë dhe jetën që ata bëjnë.

Por historia ndryshon me kalimin e viteve deri sa arrin pikën e saj kulmore duke përfunduar në tragjedi. Në këtë pikë Markusi fillon të reflektojë: ku gaboi banda e Goldmanëve?

"Libri i Baltimorëve" është një tregim i mirëfilltë i një sage familjare. Siç shprehet vetë autori: "Miqësia është një formë dashurie. Nëse e heqim aspektin erotik, është e vështirë të dallosh qartë ndjenjat e ndryshme që janë përzier në këtë roman". Joel Dicker-i të përfshin në mënyrë të magjishme në rrëfimin e tij, të bën të ndiesh emocionet e karaktereve që ai skalit.

Autori e lidh lexuesin aq fort me personazhet, saqë e bën të padurueshëm për të mësuar fatet e tyre. Për këtë arsye, ky rrëfim prekës, imponues, mbresëlënës të mban të mbërthyer deri në faqen e fundit. Dhe në përfundim, lexuesi ndihet i plotësuar.