Kategoritë

Botuesit

Autorët

Nga ana e princeshes se vdekur, Kenize Mourad Shihe të plotë

Nga ana e princeshes se vdekur, Kenize Mourad

Kjo mund të ishte fillimi i një përralle; por është një histori e vërtetë, që nis më 1918 në oborrin e sulltanit të fundit të Perandorisë otomane. Selma është shtatë vjeçe kur sheh të shembet kjo Perandori që i kishte futur dridhmat Europës.

Info shtesë

Disponueshëria: Në gjendje

$16.90

Me ulje çmimi!

-20%

$21.13

Titulli: Nga ana e princeshës së vdekur
Origjinali: De la part de la princesse morte
Gjinia: Roman
Autori: Kenizé Mourad
Shqipëroi: Donika Omari
Shtëpia botuese: Botimet IDK
Viti: 2018
Fq. 650
Pesha: 0.701 kg.
ISBN: 978-9928-136-58-9

Mbi librin

"Kjo është historia e nënës sime, princeshës Selma, lindur në një pallat të Stambollit..."

Kjo mund të ishte fillimi i një përralle; por është një histori e vërtetë, që nis më 1918 në oborrin e sulltanit të fundit të Perandorisë otomane. Selma është shtatë vjeçe kur sheh të shembet kjo Perandori që i kishte futur dridhmat Europës.

E dënuar me mërgim, familja perandorake vendoset në Liban. Selma, që ka humbur njëkohësisht edhe vendin e vet edhe të atin, do të jetë këtej e tutje "princesha me çorape të arnuara". Do të rritet në Bejrut dhe atje do të bjerë në dashuri për herë të parë, me një shef druz; një dashuri që merr fund shpejt.

Atëherë Selma pranon të martohet me një raxha indian që s'e ka parë kurrë. Në Indi, do të kalojë nga salltanetet e maharaxhave, te ditët e fundit të Perandorisë britanike dhe te lufta për Pavarësi, të udhëhequr prej Gandit.

Por edhe atje, si në Liban, mbetet "e huaja". E papranuar prej një populli që ajo kishte nisur ta donte, ia mbath për në Paris. Atje do të gjejë më në fund dashurinë e vërtetë. Lufta do ta ndajë nga i dashuri, dhe ajo do të vdesë në mjerim, në moshën njëzet e nëntë vjeçe, pasi lind një vajzë: autoren e këtij rrëfimi.

Për herë të parë, fundi i Perandorisë otomane na tregohet nga brenda pallateve... Ndodh rrallë që një libër të bashkojë në një mënyrë kaq intime zemrën me Historinë.

"Më vonë, shumë më vonë, - shkruan Kenizé Mourad, - desha të kuptoja kush ishte nëna ime. Duke pyetur ata që e kishin njohur, duke konsultuar libra historikë, gazeta të kohës dhe arkivat e shpërndarë të familjes, u përpoqa të rindërtoja kornizat e ndryshme të jetës së saj, të ngatërruara sot në mënyrë të pakthyeshme, dhe të jetoja ç'kishte jetuar ajo. Më në fund, që t'i afrohesha më shumë, që ta gjeja siç ishte vërtet, i besova intuitës dhe imagjinatës sime."

Mbi autoren

Kenizé Muradi ka lindur në Paris më 1939.Ka mbaruar studimet në Sorbonë për sociologji dhe psikologji. Nga 1970-a deri më 1982: Grand reporter te Nouvel Observateur, specialiste për Lindjen e Mesme dhe për Lindjen.

Korrespondente lufte në Bangladesh, në Etiopi, në Liban (veçanërisht tre muaj në Bejrut gjatë rrethimit më 1982). Gjatë një viti merr përsipër mbrojtjen e kauzës së Revolucionit iranian.

E ndërpret gazetarinë më 1983 për të ndërmarrë hetime në Turqi, në Liban e në Indi dhe për të mbledhur të gjitha dokumentet e duhura që të shkruajë librin Nga ana e princeshës së vdekur. Çmim i Madh Letrar i lexueseve të Elle-s 1988.