Titulli: Kalifja
Origjinali: La Califfa
Gjinia: Roman
Autori: Alberto Bevilacqua
Shqipëroi: Gëzim Qëndro
Shtëpia botuese: Toena
Viti: 2006
Fq. 272
Pesha: 0.301 kg.
ISBN: 978-99943-1-173-5
Mbi librin
Romani "Kalifja" është botuar për herë të parë më 1964. "Kalifja" është romani i dytë i Alberto Bevilacqua – s dhe suksesi i tij i parë ndërkombëtar. Figura qendrore e romanit është një vajzë e thjeshtë por shumë e bukur, Kalifja, e cila bëhet e dashura e të fuqishmit të qytetit, industrialistit të madh, Mastro Don Gesualdo.
Ajo është portreti i paharrueshëm i një gruaje të lirë, të guximshme, instinktive, rebele, të paaftë për kompromise, zemërgjerë, pra në fund të fundit, në mënyrën e saj të pafajshme. Një dashnore pa servilizëm, në pastërtinë dhe dashurinë e të cilës industrialisti do të rigjejë një dëshirë të re për jetën dhe vetë lirinë.
Mbi autorin
Linjat esenciale të Alberto Bevilacqua-s, nga të cilat lindin veprat e tij, si narrative edhe poetike, janë të shumta. E para dhe më e rëndësishmja sigurisht koincidon me qytetin e tij të lindjes, Parmën, ku shkrimtari ka jetuar deri në adoleshencën e parë. Më pas ai shkon të jetojë në lumin Po, shumë e vogël distanca nga Parma, shumë të mëdha ndryshimet e mjedisit.
Në moshën 20-vjeçare Bevilacqua transferohet në Romë, në atë që ai ende e quan "mërgimin tim të vogël". Një periudhë e vështirë, përsëri e mbuluar me dhunë. Tepër i ri, shkrimtari shkruan në një të përjavshme, dhe është pikërisht kjo e përjavshme, e cila boton poezitë e tij të para, me një shënim të Attilio Beroluci-t. Dalin poezitë e tjera, të cilat futen në një antologji me narratorë debutues, me titull "A ndodhet, vallë, midis këtyre, mjeshtri i së nesërmes?"
Në moshën tetëmbëdhjetëvjeçare ai është redaktor i faqes së parë letrare të një të përditshmeje italiane. Në vitin 1961, botohet përmbledhja e parë poetike e Bevilacqua-s "Miqësi e humbur". Dhe ky pasohet nga shumë vëllime poetike e romane të ndryshme. Në shumë raste ai është krahasuar me shumë autorë amerikano-jugorë si Garcia Marquez, Onetti e Vargas Lioza.
Bevilacqua është një nga shkrimtarët më të përkthyer në botë. Me dritëhijet e të shkruarit, ai di të na ofrojë në mënyrë natyrale e spontane, një krijim të vazhdueshëm, një përtëritje moderne të artit të të shkruarit.