Kategoritë

Botuesit

Autorët

Zemra vertitese, Donal Ryan Shihe të plotë

Zemra vertitese, Donal Ryan

Në një fshat të humbur irlandez, menjëherë pas krizës së rëndë ekonomike, fillojnë të dalin në sipërfaqe tensione të rrezikshme. Lupa zmadhuese e Donal Ryan përqendrohet në tablonë e ngjarjeve që zhvillohen rreth falimentimit të një ndërmarrjeje ndërtimi.

Info shtesë

Disponueshëria: Në gjendje

$6.76

Me ulje çmimi!

-20%

$8.45

Titulli: Zemra vërtitëse
Origjinali: The spinning heart
Gjinia: Roman
Autori: Donal Ryan
Shqipëroi: Sokol Çunga
Shtëpia botuese: Pegi
Viti: 2017
Fq. 152
Pesha: 0.204 kg.
ISBN: 978-9928-248-49-7

Mbi librin

Në një fshat të humbur irlandez, menjëherë pas krizës së rëndë ekonomike, fillojnë të dalin në sipërfaqe tensione të rrezikshme. Lupa zmadhuese e Donal Ryan përqendrohet në tablonë e ngjarjeve që zhvillohen rreth falimentimit të një ndërmarrjeje ndërtimi; lidhje dashurie, tradhti, raporte familjare të shkatërruara, një vrasje dhe një rrëmbim gjejnë hapësirë po aq të natyrshme sa dhe veprimet e diktuara nga dashuria, nga shpirti i solidaritetit, nga dinjiteti dhe respekti.

Përmes një kori me 21 zëra unikë, ku secili rreket të rrëfejë këndvështrimin e vet të së vërtetës, na shpaloset para syve një përrallë e vetme dhe origjinale. I ndjeshëm e tepër njerëzor, ai arrin të artikulojë fjalët dhe mendimet e një brezi të tërë. Në të, gjithçka përshkruhet me një stil të veçantë, të ashpër dhe të gjallë, ironik dhe gjithëpërfshirës.

"Zemra vërtitëse" ka tërhequr vëmendjen e kritikës dhe ka fituar "The Guardian Firt Book Award" (2013), çmimin "Libri i Vitit" në Çmimet e Librit Irlandez; ka qenë konkurrent në Dublin IMPAC Literary Award dhe në Man Booker Prize (2013). Në vitin 2015, fitoi Çmimin Europian për Letërsinë.

Fragment nga libri

Nga ta dija unë se ç'do kish bërë Jezui? Me sa di unë, ai djalë ishte plot kundërshti brenda vetes. Këtej thotë të kthejmë faqen tjetër, andej ngrihet, me një çomangë në dorë, dhe kthen përmbys tezgat e shitësve në treg. Këtej thotë se të duruarit janë të bekuar, andej shkon dhe s'lë gjë pa u thënë njerëzve. Ngjallet nga të vdekurit dhe pas ca javësh ia mbath, duke i lënë shokët të kredhur në mut.

Komente mbi librin

"I mprehtë, intim dhe me humor të zi."

The Observer

"I furishëm, mallëngjyes, me një humor të zi që të bie si grusht stomakut. Stili i tij është mrekullisht i rrjedhshëm, dhe secili prej zërave të shumtë tingëllon tërësisht i vërtetë."

New York Times

"Zbavitës, mallëngjyes, i shkruar në mënyrë të mrekullueshme."

Edna O'Brien

"Me një roman të shkëlqyer si "Zemra vërtitëse" nuk ka vend për të parë më larg se e tashmja. Për Donal Ryan, e ardhmja është sot."

Sunday Indipendent

"Çuditërisht prekës... tërësisht njerëzor... një roman bashkëkohor, emocionues dhe i besueshëm, që rrëfen për të humburit dhe për të lënduarit."

The Irish Times