Kategoritë

Botuesit

Autorët

Rrugetim drejt vetvetes, Irvin D. Yalom Shihe të plotë

Rrugetim drejt vetvetes, Irvin D. Yalom

Një nga psikoterapistët më me ndikim të kohës sonë, Irvin Yalom – i e ka kaluar jetën e tij si në një udhëtim me mision eksplorimin e jetëve të të tjerëve. Tani, ai e kthen vështrimin e tij terapeutik drejt vetes në këto kujtime prekëse:

Info shtesë

Disponueshëria: Në gjendje

$13.52

Me ulje çmimi!

-20%

$16.90

Titulli: Rrugëtim drejt vetvetes, kujtimet e një psikiatri
Origjinali: Becoming myself, a psychiastrist's memoir
Gjinia: Kujtime
Autori: Irvin D. Yalom
Shqipëroi: Griselda Zaimi
Shtëpia botuese: Morava
Viti: 2017
Fq. 384
Pesha: 0.429 kg.
ISBN: 978-9928-208-45-3

Mbi librin

Një nga psikoterapistët më me ndikim të kohës sonë, Irvin Yalom – i e ka kaluar jetën e tij si në një udhëtim me mision eksplorimin e jetëve të të tjerëve. Tani, ai e kthen vështrimin e tij terapeutik drejt vetes në këto kujtime prekëse:

"Kujtimet e pacientëve gjithnjë e më shumë ngjallin kujtimet e mia, puna ime mbi të ardhmen e tyre vikat dhe shkund të shkuarën time, dhe unë e gjej veten duke përsiatur sërishmi historinë time. Kujtimet e mia të fëmijërisë së hershme kanë qenë gjithnjë të copëzuara, ndoshta, siç kam besuar gjithnjë, për shkak të brengave të mia të hershme dhe fëlliqësirës ku jetonim. Tani që jam mbi 80 vjeç, imazhet e fëmijërisë sime i trazojnë gjithnjë e më shumë mendimet e mia..."

Ky shkrimtar i talentuar dhe i thellë shkruan për jetën e tij, që nis në një lagje modeste dhe të pasigurt të Uashingtonit me prindër imigrantë, me andralla dhe vështirësi, për të vazhduar drejt universitetit dhe jetës së tij si terapist.

Ai flet për faktorët që kanë ndikuar në mendimin e tij dhe në përvojat prekëse në terapi. Kujtimet përfshijnë vetanalizën dhe gërshetohen me historinë e pacientëve, të cilët kanë luajtur një rol kaq të madh në jetën e tij.

Yalom – i reflekton mbi procesin e rritjes dhe të plakjes, si edhe mbi rolin që vdekja ka luajtur në jetën e pacientëve dhe jetën e tij.

Fragment nga libri

Atë natë që pashë me sytë e mi babanë në fill të vdekjes, ndjeva, si kurrë më parë, dufin shpërthyes të nënës sime, dhe mora një vendim vetëmbrojtës për t'ia mbyllur derën. Duhet të ikja nga kjo familje.

Përgjatë dy viteve në vazhdim, thuajse nuk fola fare me të: jetonim si të huaj nën të njëjtën çati. Dhe, më shumë nga të gjitha, më kujtohet lehtësimi im i thellë e i madh kur pashë doktor Mançesterin tek hynte në shtëpinë tonë.

Askush nuk më kishte dhënë më parë një dhuratë kaq të madhe. Qysh atëherë, vendosa të isha si ai. Do të bëhesha doktor dhe do të përçoja te të tjerët përdëllesën që më kish dhënë ai.

Komente mbi librin

"Admiruesit e këtij autori që shkruan rrjedhshëm dhe përsiat, do ta mirëpresin këtë kronikë të thellë të historisë dhe pasioneve të tij, si dhe çelësin që ai ofron për një jetë të frytshme."

Kirkus Reviews

"Në fund të "Rrugëtim drejt vetvetes", Irvin Yalom – i thotë se është "rishtar në plakje". "Oh, të lutem! – ti je po aq i zoti sa ç'ke qenë në çdo gjë tjetër". Kjo është një biografi e çiltër dhe e thellë nga njëri prej ekspertëve më të rëndësishëm dhe më të zot të shpirtit njerëzor."

Daniel Menaker

"Irvin Yalom është psikiatri që mendon si filozof dhe që shkruan si një romancier i mrekullueshëm. "Rrugëtim drejt vetvetes" nuk rrëfen thjesht historinë magjepsëse të një njeriu të jashtëzakonshëm, ai na ndriçon për të kuptuar mënyrën se si duhet jetuar jeta."

Rebecca Newberger Goldstein