Titulli: Stambolli ishte një përrallë
Origjinali: İstanbul bir Masaldı
Gjinia: Kujtime
Autori: Mario Levi
Shqipëroi: Xhimi Lazri
Shtëpia botuese: Fan Noli
Viti: 2011
Fq. 920
Pesha: 0.952 kg.
ISBN: 978-99956-86-47-5
Fragment nga libri
Nuk ishte faji im as që Stambollin e jetoja si një përrallë, as që nganjëherë doja t'u ngjaja personazheve të librave apo tregimeve, apo qoftë edhe dramave të jetës sime që më tregonin një drejtim, as që pa e kuptuar edhe vetë përdorja fjajët e "të tjerëve", i ndikuar nga ndonjë lajthitje e moçme, as që e njihja shpresën e ndonjë udhëtimi të ri, të ndonjë çlirimi të ri... Me një fjalë, Stambolli im ishte një përrallë...
Ajo përrallë ishte rrëfimi im... Ajo përrallë ishtë rrëfimi "i tyre"... Ajo përrallë ishte rrëfimi ynë... Ajo përrallë ishtë rrëfimi juaj... Ajo përrallë ishtë rrëfimi i kujtdo që e ndiente veten të huaj në qytetin e tij...
Ajo përrallë pavarësisht nga tërë ato që përjetoheshin, ishte rrëfimi i dëshirës për t'i ndier ujërat e Bosforit si pëqinë e nënës... Ajo përrallë ishte rrëfimi i frikës se mos ndonjë nga ato rrymat e tij do të më merrte me vete, se mos do të përpihesha nga ndonjë det krejt ndryshe, prej ndonjë lëvizjeje "jo si duhet" e krahëve gjatë notit, apo nga ndonjë rrahje e gabuar rremave. Ajo përrallë, ja pra, ishte një përrallë.