Koka plot lumturi, Ognjen Spahic

Titulli: Koka plot lumturi
Origjinali: Puna glava radosti
Gjinia: Roman
Autori: Ognjen Spahić
Shqipëroi: Nikolla Sudar
Shtëpia botuese: Fan Noli
Viti: 2017
Fq. 300
Pesha: 0.361 kg.
ISBN: 978-9928-203-74-8

Fragment nga libri

Asnjëherë nuk kam arritur ta kuptoj se çfarë më kishte ngacmuar në atë pamje, por jam i sigurtë se gjuha e saj e mprehtë nuk ka asnjë lidhje me të. Mbërtheva xhaketën dhe ia hoqa shishen nga dora.

Gishtërinjtë i kishte të ftohtë dhe binte erë nga të vjellat e shoqit. E ndihmova ta rregullonte mbështetësen e karriges dhe të rehatohej në të. Kur i hapi këmbët, dallova disa gërvishtje të thella në pjesën e brendshme të kofshëve.

Tashmë flokët e Anës kishin rënë pas mbështetëses. I përkëdhela ballin dhe cullufet e zeza e të lëpira. Nga pëllëmbët ndihej aroma e këndshme e jaseminit dhe e lëngut të limonit. Dhe të gjitha ato përziheshin me njollat e qullta gjysmë të thara, të cilat ia kishte shkaktuar i shoqi.

Binte në sy banaliteti dhe jeta e shkuar kot, vuajtjet, degradimi, shpërbërja dhe mashtrimi. Këmisha e Anës u ngrit mbi kofshë dhe u mblodh në muskujt e saj.