• Banner

Kokoro, Natsume Soseki
  • Kokoro, Natsume Soseki

Kokoro, Natsume Soseki

I gjurmuar nga sekrete tragjike që e kanë mbuluar gjatë gjithë jetës së tij me një hije të rëndë, Sensei me kalimin e kohës arrin t'ia hapë zemrën nxënësit të ri, duke i rrëfyer hapur pjesë nga jeta e tij studentore që i kanë lënë një ndërgjegje të trazuar faji, duke zbuluar kështu hendekun e pakapërcyeshëm ndërmjet dhimbjes së tij morale dhe përpjekjeve të studentit për ta kuptuar atë.

6,80 GBP
Sasia
Në gjendje

Përshkrimi

Titulli: Kokoro
Origjinali: Kokoro
Gjinia: Roman
Autori: Natsume Soseki
Shqipëroi: Pirro Dollani
Shtëpia botuese: Ombra GVG
Viti: 2017
Fq. 332
Pesha: 0.428 kg.
ISBN: 978-9928-06-176-8

Mbi librin

Asnjë koleksion i letërsisë japoneze nuk është i plotë pa "Kokoro"-n, romanin e fundit të autorit Natsume Sõseki, të cilin e përfundoi para se të vdiste, në vitin 1916. "Kokoro" – që do të thotë "zemër" – është historia e një miqësie delikate dhe prekëse midis dy personazheve pa emër, një djaloshi të ri dhe një burri në moshë, të cilin ai e quan "Sensei".

I gjurmuar nga sekrete tragjike që e kanë mbuluar gjatë gjithë jetës së tij me një hije të rëndë, Sensei me kalimin e kohës arrin t'ia hapë zemrën nxënësit të ri, duke i rrëfyer hapur pjesë nga jeta e tij studentore që i kanë lënë një ndërgjegje të trazuar faji, duke zbuluar kështu hendekun e pakapërcyeshëm ndërmjet dhimbjes së tij morale dhe përpjekjeve të studentit për ta kuptuar atë, si dhe ndryshimin e thellë kulturor nga njëri brez në tjetrin, gjë që e karakterizonte Japoninë e fillimeve të shekullit XX.

"Kokoro" është një nga veprat më të dashura të prozës letrare së Sõsekit. Për here të parë është botuar në vitin 1914 Që nga ajo kohë është ribotuar dhjetra herë në Japoni dhe vazhdon të përkthehet edhe sot në gjuhë të ndryshme të botës.

Në këtë roman përshkruhet një student, i cili lë fshatin e përgjumur për herë të parë në jetën e tij, për të përjetuar "botën reale" të Tokës, grave dhe universitetit. Romani vjen në jetë në tensionin e thellë midis vlerësimit të humorit të gjallë të Sõseki-t dhe ndërgjegjësimit për pafajësinë e studentit, i cili arrin të depërtojë në jetën sociale dhe kulturore.

"Kokoro", si vepër e rëndësishme, me ndjesi të holla, është vepra e një prej autorëve më të njohur të Japonisë. Kjo trilogji provokon mendimin, zbulon thelbin e vetmisë dhe qëndron si një hyrje nxitëse për letërsinë moderne japoneze.

Komente mbi librin

"Sõseki është përfaqësuesi i letërsisë moderne japoneze, një personalitet i një kalibri të vërtetë kombëtar."

Haruki Murakami

"Natsume Sõseki, një nga romancierët më të mëdhenj të Japonisë, ka jetuar në Camberwell mes viteve 1900 dhe 1902. Që nga vdekja e tij në moshën 49 vjeçare, janë përkthyer në anglisht shumë vepra të tij. "Kokoro" është kryevepra e autorit.

Në historinë e një miqësie të fortë midis një studenti të ri dhe një njeriu që ai e quan Sensei, Soseki shkruan për ndryshimin e qëndrimeve japoneze për nderin, dashurinë dhe detyrën. Rrethanat misterioze të jetës së Senseit bëhen të dukshme vetëm në momentin e vdekjes së tij, në një studim të shkëlqyer të urrejtjes dhe fajit."

The Independent

Fragment nga libri

Megjithëse kisha vendosur të jetoja sikur të isha i vdekur, disa ngacmime nga jashtë e nxisnin zemrën nganjëherë të kërcente me energji të përmbajtur. Por në çastin që ndieja një shtytje të brendshme që të kapërceja këtë gjendje mortore e të veproja, një forcë e tmerrshme shfaqej papritur dhe ma shtrëngonte zemrën fort derisa nuk lëvizja më.

Dhe një zë do të më thoshte: "Ti nuk ke të drejtë të bësh asgjë!" Dhe menjëherë dëshira për të vepruar më linte në çast. Kur pak më vonë, përpiqesha të ngrihesha përsëri, kjo forcë do të më pengonte. Nga inati skërmitja dhëmbët dhe i bërtisja: "Përse më ndalon?" Forca e çuditshme qeshte ftohtësisht dhe përgjigjej: "Ti e di shumë mirë përse." Dhe përsëri dorëzohesha.

Ti duhet të kuptosh që gjatë gjithë këtyre viteve të kësaj jete të qetë e monotone kjo betejë rraskapitëse vlonte pa pushim brenda meje. Nëse gruaja ime mërzitej me mua nganjëherë, ti nuk e ke idenë sesa shumë mërzitesha me veten time.

Kur më në fund nuk mund të duroja më të qëndroja i ngujuar brenda këtij burgu dhe kur të gjitha përpjekjet e mia dëshpëruese për të shqyer hekurat shkuan kot, fillova të mendoj se gjëja më e lehtë ishte vetëvrasja. "Po përse?" dëgjoj që më pyet me habi.

Sepse kjo forcë e çuditshme dhe e tmerrshme brenda meje më kishte paralizuar zemrën me kthetrat e saj të hekurta dhe kishte bllokuar çdo rrugëdalje, përveç rrugën drejt vdekjes. Nëse do të kërkoja ta zhbllokoja dhe të lëvizja me çdo kusht, hapat e mi do të më çonin vetëm në atë rrugë.

Jam përpjekur dy ose tri herë të ndjek këtë shteg të vetëm drejt vdekjes, që fati ma ka shtruar përpara në mënyrë kaq të rreme. Por çdo herë jam përmbajtur nga ndjenjat për gruan time. Është e panevojshme të them se nuk kam pasur asnjëherë guximin ta marr edhe atë me vete.

Kam qenë kaq frikacak sa nuk kam mundur as t'i tregoja. Si mundet pastaj t'i shkaktoja vetëvrasje të dyfishtë dhe ta sakrifikoja për hatër të fatit tim të mbushur me tmerr? Fati i saj ishte paracaktuar jo më pak sesa fati im. Të hidhje dy jetët tona së bashku në flakë, jo vetëm që do të ishte kundër natyrës, por do të ishte edhe pikëlluese.

Gjithashtu mbushesha me keqardhje kur mendoja se ajo do të mbetej vetëm kur unë s'do të isha më. Ato fjalë që ajo kishte thënë pas vdekjes së nënës së saj se "Unë isha e vetmja gjë që i kishte mbetur tani në botë," më përcëllonin në gjoks. Dhe prandaj ngurroja. Nganjëherë, shikoja fytyrën e saj e gëzohesha që nuk kisha vepruar. Pastaj ligështohesha përsëri kur kapja shikimin e saj të pikëlluar hedhur mbi mua.

Të kujtohet, ja kështu ishte jeta ime. Gjendja ime mendore ishte e njëjtë edhe ditën që u takuam për herë të parë në Kamakura, edhe ditën që dolëm së bashku përtej qytetit. Një hije e zezë dukej sikur më ndiqte prapa gjithnjë. Unë tërhiqja zvarrë jetën time mbi tokë për hir të gruas sime.

Gjendja ime shpirtërore nuk ishte ndryshe edhe atë mbrëmje mbas diplomimit tënd. Më beso, nuk të gënjeva kur thashë se do të takohemi përsëri në shtator. Unë vërtet kisha qëllim të të takoja edhe një herë. Pasi vjeshta iku, dimri erdhi e shkoi, madje edhe pranvera mbaroi, unë mezi po prisja për takimin tonë të dytë.

Dhe në kulmin e verës, perandori Meiji vdiq. Atëherë ndjeva se meqë fryma e epokës së Meijit kishte filluar me të, duhej të përfundonte me vdekjen e tij. Isha i pushtuar nga mendimi se brezi im, që e kishte ndier shumë thellë ndikimin e Meijit, tani ishte i dënuar të mbetej në anakronizëm për sa kohë të ishte gjallë. Kur ia thashë gruas këtë, ajo nuk pranoi t'i merrte seriozisht këto fjalë. Por pastaj, shtoi me shaka: "Atëherë, ndiq traditën e vjetër, vdis me Zotin tënd".

Detajet e librit

Referencat specifike

isbn
9789928061768
ean13
9789928061768
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
Ndoshta mund të pëlqejë edhe

Referenca: SKU000058

Botuesi: Botimet Dudaj

Një jetë e qetë, Kenzaburo Oe

Ky shkrimtar origjinal, që hedh poshtë sistemin e vlerave të shoqërisë ekzistuese dhe pasqyron pyetjet dhe shqetësimet e brezit të Pasluftës, ka shkruar shumë romane, novela dhe sprova, duke u bërë një nga autorët më të njohur në mbarë botën.

Çmimi 5,95 GBP
More
Në gjendje

Referenca: SKU001577

Botuesi: Skanderbeg Books

Kronikat e Zogut Kurdisës, Haruki Murakami

Në rrethinat e Tokios, Okada, një burrë në moshë të re, është duke kërkuar macen e humbur të së shoqes. Ai jeton në "botën e ngushtë" të jetës së tij, gatuan, kujdeset për shtëpinë dhe merret me gjëra të së përditshmes së një njeriu pa ambicje.

Çmimi 13,60 GBP
More
Artikujt e fundit në gjendje

Referenca: SKU001604

Botuesi: Skanderbeg Books

Pylli norvegjez, Haruki Murakami

Toru, një student i urtë dhe serioz para kohe, jeton në Tokio dhe i është kushtuar Naokos, një vajze të bukur por tepër melankolike, por ndjenja e tyre e përbashkët ndikohet nga vdekja tragjike e shokut të tyre më të ngushtë para disa vjetësh.

Çmimi 11,90 GBP
More
Ne gjendje

Referenca: 2659

Botuesi: Skanderbeg Books

E dashura ime Sputnik, Haruki Murakami

Nje student i kolegjit, i identifikuar vetë si K., bie në dashuri me shoqen e klasës së tij, Sumiren. Devotshmëria ndaj një jete të çrregullt letrare e pengon atë nga ndonjë vetvrasje e mundshme, derisa ajo takon Miun, një grua biznesmene shumë më e vjetër dhe shumë më e sofistikuar se ajo.

Çmimi 7,65 GBP
More
Ne gjendje

Botuesi: OMBRA GVG

Vdekje nga uji, Kenzaburo Oe

Në qendër të romanit "Vdekje nga uji" është romancieri Kogito Choko, që ka vendosur të shkruajë historinë e mbytjes në lumë të babait të tij. Në mendje prej kohësh i vërtitet pyetja pse babai i tij kishte dalë për "shëtitje me varkë" në lumë të rrëmbyeshëm në një natë stuhie.

Çmimi 8,50 GBP
More
Në gjendje
16 libra të tjera në këtë kategori:

Botuesi: IDK

Shtepia e tete, Bernardo Atxaga

Bernardo Atxaga është shkrimtari bask më i njohur dhe më i lexuar. Librat e tij janë përkthyer në mëse njëzet gjuhë. Lexuesit shqiptarë i janë dhënë tashmë tregime të këtij autori, ndërsa romani "Shtëpia e tetë" është një nga veprat e tij më të shquara. Stili i tij mund të cilësohet me këto dy fjalë: thjeshtësi dhe përsosmëri.

Çmimi 5,53 GBP
More
Ne gjendje

Botuesi: Dituria

Dru qershie dhe ndjenja të vjetra, Marica Bodrozic

E perkthyer ne 10 gjuhe te Europes, Dru qershie dhe ndjenja te vjetra, rrëfen për një grua që kërkon mbështetje, në një botë plot probleme. Dhe i duhet të përballet me të shkuarën e saj, të ndrydhur për një kohë të gjatë, si dhe me kujtesën e copëzuar, nëse vërtet do të jetojë të sotmen.

Çmimi 6,80 GBP
More
Në gjendje

Botuesi: PA

Hic sunt leones, Katerina Poladjan

Njëqind vjet më vonë Helenes, një restaurueses së re, i ofrohet një bibël për ta restauruar. Helena futet thellë në enigmën e librit të vjetër, në Armeninë moderne dhe në një histori mërgimi, të humbjes dhe të dhimbjes, që përcillet nga brezi në brez.

Çmimi 8,50 GBP
More
Në gjendje

Botuesi: Morava

Jeta e Pisë, Yann Martel

Pishinë Molitor Pateli është indian, gjashtëmbëdhjetëvjeçar, i joshur nga tërë fetë, dhe mban emrin e një pishine. Emër jo i thjeshtë për t'u mbajtur, që e ka bërë objekt talljesh therëse dhe lojërash fjalësh. Deri ditën që për të gjithë vendos të jetë thjesht dhe vetëm Pi.

Çmimi 8,50 GBP
More
Ne gjendje

Botuesi: Skanderbeg Books

Jeta rimon me vdekjen, Amos Oz

Përse shkruani? Përse vërtet shkruani kështu? Mos po rrekeni t'i ndikoni lexuesit, dhe nëse ndodh kjo – në ç'kah rrekeni t'i ndikoni? Çfarë roli luajnë historitë tuaja? U vini kryq, i korrigjoni vazhdimisht apo i shkruani drejt e prej muzës suaj?

Çmimi 4,25 GBP
More
Në gjendje

Botuesi: Pegi

Tundimi i fundit, Nikos Kazanxaqis

Romani "Tundimi i fundit", i konsideruar si kryevepër nga kritikët në mbarë botën, është një interpretim laik i Ungjillit. Me një gjuhë të zgjedhur e gurgulluese, Kazanxaqis përshkruan një Jezu shumë njerëzor, të tunduar, të kapluar nga frika, dyshimi dhe dhimbja, duke nxitur kështu debate, kundërshtime dhe akuza për blasfemi.

Çmimi 10,20 GBP
More
Në gjendje

Botuesi: Skanderbeg Books

Pas tërmetit, Haruki Murakami

Çfarë na ndodh kur befas toka lëkundet nën këmbët tona dhe muret e shtëpisë na dridhen papandehur, duke ta shembur ndjesinë e sigurisë së truallit të fortë ku po rri? Pasojat janë shumë të pakëndshme. Të gjashtë historitë e këtij libri eksplorojnë pasojat psikologjike që mund të ketë një tërmet, edhe sikur ai të ndodhë shumë larg.

Çmimi 6,80 GBP
More
Në gjendje

Botuesi: Fan Noli

Akulloreshitësi, Katri Lipson

Dy vjet pas përfundimit të Luftës së Dytë Botërore, një regjisor vendos të pasqyrojë jetën e vëretë, duke krijuar një film pa skenar, ku aktorët mësojnë historinë dhe rolin e tyre gjatë zhvillimit të skenarit.

Çmimi 5,10 GBP
More
Në gjendje

Referenca: 2459

Botuesi: Toena

Tinguj dhe plumba, Giuseppe Scelsi

Kur muri i fortë i ideologjive thyhet e bëhet copa, mijëra shqiptarë bien në një dëshpërim të thellë. Sistemi shkërmoqet, idetë dhe ndjenjat tronditen, ndërsa ngurtësia e një regjimi me dhjetëra vite i mbyllur në vetvete shpie në egërsimin e njerëzve.

Çmimi 5,95 GBP
More
Ne gjendje

Referenca: SKU001904

Botuesi: Dituria

Spastrimi, Sofi Oksanen

Romani "Spastrimi" i Sofi Oksanen, fitues i shumë çmimeve letrare, është një rrëfenjë jashtëzakonisht tërheqëse për dy gra, te të cilat është ngulitur thellë e shkuara e tyre dhe historia e patreguar dhe e errët e jetës së tyre.

Çmimi 6,80 GBP
More
Ka mbaruar

Referenca: SKU002006

Botuesi: Pegi

Nje histori dashurie me rock e roll, Enriko Brici

Tashmë, historia e Aleksit dhe e Aidit është kthyer në një nga klasikët e letërsisë italiane më të lexuar për të rinj. Shkruar nga një 19 - vjeçar bolonjez, ky libër gjysmë - autobiografik ka shitur mbi dy milionë kopje dhe është përkthyer në njëzet gjuhë të botës.

Çmimi 4,68 GBP
More
Artikujt e fundit në gjendje
Përshtypjet (0)