Bashkëkohore

Information

Botuesit

Speciale

Autorët

Ulje çmimi! Femijet e dashurise dhe urrejtjes, Dasa Drndic Shfaq të madhe

Femijet e dashurise dhe urrejtjes, Dasa Drndic

Produkt i ri

Romani i shkrimtares kroate Daša Drndić nuk është vetëm një libër mbi Holokaustin (i krahasueshëm për nga rëndësia me kryeveprat e Primo Levit apo me Nekropolin e Boris Pahor). Ai është gjithashtu një roman i madh i letërsisë bashkëkohore, i aftë për të lidhur përmes regjistrave të ndryshëm gjuhësorë një tregim polifonik, magmatik, gjithëpërfshirës, imponues mbi pushtimin nazist të Italisë.

Më shumë detaje

Në gjendje

$16.90

-20%

$21.13

Më shumë informacione

Titulli: Fëmijët e dashurisë dhe urrejtjes (kopertinë e trashë)
Origjinali: Sonnenschein
Gjinia: Roman
Autori: Daša Drndić
Shqipëroi: Ben Andoni
Shtëpia botuese: Botimet Poeteka
Viti: 2016
Fq. 404
Pesha: 0.709 kg.
ISBN: 978-9928-230-01-0

Mbi librin

Romani i shkrimtares kroate Daša Drndić nuk është vetëm një libër mbi Holokaustin (i krahasueshëm për nga rëndësia me kryeveprat e Primo Levit apo me Nekropolin e Boris Pahor). Ai është gjithashtu një roman i madh i letërsisë bashkëkohore, i aftë për të lidhur përmes regjistrave të ndryshëm gjuhësorë një tregim polifonik, magmatik, gjithëpërfshirës, imponues mbi pushtimin nazist të Italisë veriore dhe më gjerë.

Është një vepër që rri mirë pranë kryeveprave të De Lillo – s, Mailer – it, Sebald – it. Një libër tek i cili viktimat gjejnë përmendoren e vet. Një patchwork, ku ekzekutorët dhe soditësist e verbër janë të ngjashëm, ku vargjet e poetëve të mëdhenj dhe fletët me nota muzikore kthehen në kujtesë tronditëse, ku kriminelët, depozitimet, fotografitë dhe hartat gjenealogjike e risjellin, për të mos e harruar kurrë, atë urrejtje, atë dhunë dhe dashuri.

Përmes një rrëfimi që trajton në mënyrë të pamëshirshme masakrën ndaj hebrenjve italianë në kampet e përqendrimit të Triestes, Haya reflekton mbi përvojën e saj dhe të familjes së saj hebreje, konvertuar në katolikë.

Kërkimet e Haya Tedeschinit e sjellin historinë e romanit edhe në Vlorë, Sarandë, Tiranë, në Hotel Dajti, në zemër të kryeqytetit shqiptar. Kërkimet e ngulmëta për djalin, sjellin në duart e Haya – s fotografi, harta dhe fragmente poezish, të dëshmive nga gjyqet e Nurembergut.

Këtu janë edhe intervistat me hebrenjtë e brezit të dytë, fakte nga dëshmitarët okularë të mizorive që ndodhën në dyert e kampeve. Prej këtij kolazhi të gjerë materialesh dhe kujtimesh lind kronika tronditëse e pushtimit nazist në Italinë veriore. Fjalët e pashlyeshme nga kujtesa janë: Dashuri dhe urrejtje.

Fragment nga libri

Haya Tedeschini ulet e vetme në Gorizia, në verilindje të Italisë, e rrethuar nga një shportë me fotografi dhe me copa të prera gazetash. Pas 62 vjetësh, kur ajo është një grua e moshuar tanimë, ajo pret të ritakohet, me djalin e vet, lindur nga lidhja dashurore mes saj dhe një oficeri SS, fëmijë ky që më pas grabitet nga autoritetet gjermane, si pjesë e projektit klandestin të Himmler – it, quajtur "Lebensborn".

***

Trieste është një roman prej 404 faqesh të ngjeshura, 100 prej të cilave nuk janë tjetër përveçse një listë emrash – rreth 9000 emra. Këta 9000 emra i përkasin hebrenjve italianë, të vrarë apo të deportuar nga nazistët, shumica në kampet e vdekjes. 9000 emra! Kjo duhe të ketë qenë ajo që ka dashur të shprehë Stephen Dedalus, tek "Uliksi" i James Joyce, kur thirri: "Historia është një makth nga i cili unë po përpiqem të zgjohem".

Komente mbi librin

"Një libër mbi ngjarje që e kanë bërë famëkeq për të gjitha moshat shekullin e fundit, një libër që, nëse ju trondit edhe ju, siç më tronditi mua, do ju bëjë të zbrisni me këmbë në tokë dhe pastaj, të merrni frymë."

Alan Cheuse, National Public Radio

"Elementet e shumëfishtë që përbëjnë historinë e Haya Tedeschini – t dhe kontekstin e tyre të gjerë, janë një përzierje tepër e dendur dhe e fuqishme."

Daniel Dahn, Independent

"Origjinal, tronditës!"

Guardian

"Madhështor dhe përthithës... Drndić ka shkruar për të dëshmuar dhe që dhimbja e fshikullimit të ndihet nga ne..."

New York Times Book Review

"Ky libër është një kryevepër.... Edhe pse një fiction, ky roman mbetet gjithashtu një dokumentar i hulumtimeve të thella historike..."

A.N. Wilson, Financial Times

"Një letërsi tour – de – force."

Amanda Hopkinson, Independent 

Reviews

Write a review

Femijet e dashurise dhe urrejtjes, Dasa Drndic

Femijet e dashurise dhe urrejtjes, Dasa Drndic

Romani i shkrimtares kroate Daša Drndić nuk është vetëm një libër mbi Holokaustin (i krahasueshëm për nga rëndësia me kryeveprat e Primo Levit apo me Nekropolin e Boris Pahor). Ai është gjithashtu një roman i madh i letërsisë bashkëkohore, i aftë për të lidhur përmes regjistrave të ndryshëm gjuhësorë një tregim polifonik, magmatik, gjithëpërfshirës, imponues mbi pushtimin nazist të Italisë.

Libra të ngjashëm

Klientët që blenë këtë libër, blenë edhe...

Shkarkime

KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (0)