Jeta rimon me vdekjen, Amos Oz

Titulli: Jeta rimon me vdekjen
Origjinali: Rhyming Life and Death
Gjinia: Roman
Autori: Amos Oz
Shqipëroi: Rigel Rizaj
Shtëpia botuese: Skanderbeg Books
Viti: 2016
Fq. 112
Pesha: 0.137 kg.
ISBN: 978-9928-4279-9-1

Mbi librin

"Përse shkruani? Përse vërtet shkruani kështu? Mos po rrekeni t'i ndikoni lexuesit, dhe nëse ndodh kjo – në ç'kah rrekeni t'i ndikoni? Çfarë roli luajnë historitë tuaja? U vini kryq, i korrigjoni vazhdimisht apo i shkruani drejt e prej muzës suaj?

Çdo të thotë të jesh një shkrimtar i famshëm, si ndikon kjo te familja juaj? Përse përshkruani, pothuajse më së shumti, anët negative? Çfarë mendoni për shkrimtarët e tjerë, cilët kanë ndikuar tek ju dhe cilët nuk ju pëlqejnë? Dhe meqë ra fjala, si mund ta përkufi zoni veten?"

Këto janë pyetjet që një autor i njohur, i ftuar të lexojë pjesë nga libri i tij më i ri para lexuesve të tij, duhet t'u përgjigjet. Jemi në Tel Aviv, një mbrëmjeje të nxehtë dhe mbytëse, ku publiku, njëherësh edhe lexuesi dhe admiruesi i veprës së autorit, pret me shumë kureshtje përgjigjet.

Por autori ynë, i mësuar tashmë të jetojë edhe një jetë paralele të mbushur me karakteret që krijon vetë, bie në grackën e fiksionit. Mu aty përballë tyre, ai nis dhe ndërton jetën e disave prej tyre: Një kameriere joshëse, një i ri me ëndrra letrare që pret prej tij një këshillë, një mesogrua e etur për kulturë, një lexuese e re me të cilën është gati të flirtojë, një marrok që përgjon vdekjen e së ëmës, etj.

Përmes kësaj historie, Oz arrin mjeshtërish të japë kuptimin e artit të të shkruarit, marrëdhëniet e jetës me letërsisë, të jetës me vdekjen, por edhe natyrën dhe kuptimin e famës së autorit në letërsi.

Komente mbi librin

"Ky është një libër joshës, vrojtues, me një rrjedhshmëri të qëndrueshme dhe tona qetësues të tipit të Amos Oz."

Sunday Times

"Metafi zika e Jeta rimon me vdekjen ngjan si një "sulm" i fortë i Amos Oz mbi procesin e shkrimit dhe të leximit."

The Telegraph