Një me ty, Sylvia Day

Titulli: Një me ty
Origjinali: One with You
Gjinia: Roman
Autori: Sylvia Day
Shqipëroi: Meril Orti
Shtëpia botuese: Omsca – 1
Viti: 2016
Fq. 464
Pesha: 0.535 kg.
ISBN: 978-9928-132-74-1

Mbi librin

"Një me ty", një roman jashtëzakonisht prekës dhe joshës, është finalja e shumëpritur e sagës "Crossfire", një histori e zjarrtë dashurie, që ka bërë për vete miliona lexues në mbarë botën. Romani i pestë i serisë "Crossfire" e sjell historinë e Gidionit dhe të Ivës në një përfundim të kënaqshëm.

Fragment nga libri

Gidion Krosi. Rënia në dashuri me të ishte gjëja më e lehtë që kisha provuar ndonjëherë. Ndodhi brenda një çasti. Plotësisht. Në mënyrë të paprapësueshme. Martesa me të ishte një ëndërr e bërë realitet. Mbrojtja e martesës është lufta e jetës sime.

Ne ia kemi zbuluar njëri – tjetrit sekretet tona më të thella e më të shëmtuara. Gidioni është pasqyra që reflekton të gjitha defektet e mia... dhe të gjithë bukurinë që unë nuk kisha sy ta shihja. Të dy bashkë, ne mund t'u bëjmë qëndresë të gjithë atyre që duan gjithë ligësi të hyjnë midis nesh.

Por beteja jonë më e madhe mund të jetë brenda kufijve të atyre premtimeve solemne që na japin forcë. Përkushtimi ndaj dashurisë ishte vetëm fillimi. Të luftuarit për të ose do të na çlirojë... ose do të na ndajë.

Komente mbi librin

"Duke rrëfyer herë njëri e herë tjetri, kapitull pas kapitulli, Gidioni dhe Iva na shpalosin tërheqjen fizike shpërthyese që kanë për njëri-tjetrin, vlerësimin për mënyrën se si e ndihmojnë ata njëri-tjetrin për të shëruar plagët e vjetra emocionale dhe besimin e ndërsjellë që sa vjen e u shtohet. Njerëz të shkëlqyer, mjedise luksoze, seks përvëlues dhe dashuri pasionante ndërmjet dy të martuarish, të gjitha këto e bëjnë këtë një përmbyllje të ngrohtë e të kënaqshme të serisë."

Publishers Weekly

"Marrëdhënia e ndërlikuar ndërmjet Ivës dhe Gidionit shpaloset me lëndime, pasion, fiksime e, ç'është më e rëndësishmja, me dashuri. Rrëfimi pa të meta i Day-it i shoqëron lexuesit në udhëtimin që bëjnë këto dy personazhe të lënduara drejt njëri-tjetrit, me emocione shteruese, që vërshojnë jashtë librit. Një histori e mrekullueshme, e shkruar nga një shkrimtare mjeshtre."

RT Book Reviews