Titulli: Ku ishit ju, kur ra errësira?
Origjinali: Karanlik çökerken neredeydiniz
Gjinia: Roman
Autori: Mario Levi
Shqipëroi: Sadedin Limani
Shtëpia botuese: Fan Noli
Viti: 2011
Fq. 591
Pesha: 0.701 kg.
ISBN: 978-99956-86-58-1
Fragment nga libri
Sa është e mundur të kthehem pas?... Çfarë kuptimi ka kjo?... Në ç'masë është e nevojshme?... Këto pyetje i shkojnë shumë mirë tregimit, në rrugën e të cilit kam guxuar të hyj... Ndoshta do të bindesha më parë për një kthim të paarsyeshëm në të shkuarën, sikur të mos kisha atë tronditje të madhe që do të më drejtonte jetën time në të pesëdhjetat, në një çast të papritur në atë hapësirë të shkatërruar të brendësisë sime, e cila nuk mund të rrinte në një gjendje aq të qëndrueshme, siç e kisha menduar unë.
Po të mos ishte ajo ngjarje, as që do të më kishte shkuar ndërmend të takoja pjesëmarrësit e tjerë më të rinj në lojë. Sikur të mos ia kisha bërë pyetjen vetes, ku ishte vendi im në këtë jetë, nuk do ta kisha kuptuar që nuk jam në paq me veten time. Këtë pyetje nuk do ta kisha drejtuar atje ku kam lënë pas disa gjëra dhe disa njerëz.