Ngushëllimet e mia, Dulce Maria Cardoso

Titulli: Ngushëllimet e mia
Origjinali: Os Meus Sentimentos
Gjinia: Roman
Autori: Dulce Maria Cardoso
Shqipëroi: Nasi Lera
Shtëpia botuese: Dudaj
Viti: 2015
Fq. 320
Pesha: 0.401 kg.
ISBN: 978-99943-0-376-2

Mbi librin

Një grua obeze, shitëse dylli për heqjen e qimeve, me pamje "baxhelle", ka mbetur e varur kokëposhtë në makinën e saj që ka dalë nga rruga dhe sjell ndërmend jetën e saj: të atin, koleksionist i çuditshëm harabelash, që hera-herë ua këput zverkun plot dashuri; të ëmën, akull të ftohtë, që s'pajtohet dot me faktin që solli në jetë një vajzë aq të shëmtuar; takimet e seksit të shpejtë shkel e shko me kamionistët në vendpushimet e autogrillave; vëllanë e gjetur, dështak, të fiksuar pas rregullit, i mbërthyer nga manitë e hakmarrjes.

E tërë kjo në sfondin e një Lisbone të ndërdyshur mes Revolucionit të Karafilave dhe qendrave të sotme tregtare, restoranteve të trishtuara indiane dhe kafeneve të ndyra, ku e shkuara dhe e ardhmja kërleshen mes tyre dhe e tashmja s'është veçse një ëndërr e keqe.

Fragment nga libri

"...jeta ime është një luftë kundër miliona qimeve dhe ndihem tepër krenare për këtë... i njoh armiqtë e mi, ua njoh hiletë, nuk ma hedhin dot, edhe kur ndahen më dysh për t'u rritur më të forta, kur hyjnë në mish apo kur mësyjnë fshehurazi e tinëzisht duke u rritur nën lëkurë; i njoh armiqtë e mi dhe nuk lë rast pa ua çjerrë maskën, nuk i lejoj të fshihen për të fituar kohë, është një luftë e paepur..."

Mbi autoren

Dulce Maria Cardoso lindi në Portugali më 1964, por një pjesë të fëmijërisë e ka kaluar në Angola. E kthyer në Europë, vendoset në Lisbonë dhe fillon të shkruajë skenarë filmash dhe tregime. Romani i saj i parë, "Fusha e gjakut", fitoi çmimin prestigjoz Grande Premio Acontece të Romanit. Në vitin 2009 iu dha Çmimi Letrar i Europës së Bashkuar për romanin "Ngushëllimet e mia". Në vitin 2011 botoi romanin "Ditëlindja" dhe po në atë vit u botua edhe romani "Kthimi".