Agim, Eli Vizel

Titulli: Agim
Gjinia: Roman
Autori: Eli Vizel
Shqipëroi: Edvin Shvarc
Shtëpia botuese: Bota Shqiptare
Viti: 2011
Fq. 128
Pesha: 0.201 kg.
ISBN: 978-9928-00-041-5

Mbi librin

Gjatë një nate tipike të Palestinës nën sundimin britanik, Elisha i ri mediton për vrasjen që duhet të kryejë në mëngjes.Elisha, i mbijetuar i Aushvicit dhe Buhenvaldit, ka humbur gjithçka, përfshi edhe familjen, mësuesin e Kabalës dhe një pjesë të fëmijërisë.

I vendosur në Paris ku kërkon të kuptojë të pabesueshmen gjatë kurseve të filozofisë në Universitetin e Sorbonës, rekrutohet nga Gadi, emisari i një grupi terrorist sionist, i cili synon të dëbojë britanikët nga vendi që e cilëson si djepin kombëtar të popullit hebre.

Elisha anëtarësohet në këtë grup dhe merr pjesë në operacione terroriste, duke urryer armikun e duke u rreshtuar kështu në anën e kundërt të judaizmit tradicional... Tani, ka ardhur dita që ai vetë të kryejë një vrasje të vërtetë...

Mbi autorin

Eli Vizel është shkrimtar hebre-amerikan, profesor, veprimtar politik, laureat i çmimit Nobel dhe i mbijetuar i Holokaustit, i lindur në Rumani. Është autor i 57 librave, mes tyre edhe "Nata", një vepër e mbështetur në përvojat e tij si i burgosur në kampet e përqendrimit në Aushvic, Buna dhe Buhenvald. Pas Luftës së Dytë Botërore, jetoi për disa kohë në Francë ku studioi në Universitetin e Sorbonës letërsi, filozofi dhe psikologji.

Librin e parë e botoi në vitin 1958 për të mos u ndalur më. Vizel është edhe kryetar i bordit këshillues të Algemeiner Journal. Në fillim të viteve 1990, loboi pranë qeverisë amerikane në mbështetje të viktimave të spastrimit etnik në Bosnje. Ka marrë shumë çmime ndërkombëtare dhe 75 doktoratura nderi.

Kur mori çmimin Nobel në vitin 1986, komiteti norvegjez i çmimit e cilësoi si "lajmëtar të njerëzimit" duke theksuar se, përmes betejave dhe përvojave vetjake të poshtërimit që zbatohej në kampet e Hitlerit dhe përmes veprave praktike në dobi të paqes, Vizeli u ka dhënë të gjithëve një mesazh të fuqishëm paqeje dhe dinjiteti njerëzor.