Jeta e Pisë, Yann Martel

Titulli: Jeta e Pisë
Origjinali: Life of Pi
Gjinia: Roman
Autori: Yann Martel
Shqipëroi: Agim Doksani
Shtëpia botuese: Morava
Viti: 2013
Fq. 360
Pesha: 0.425 kg.
ISBN: 978-9928-169-17-4

Mbi librin

Pishinë Molitor Pateli është indian, gjashtëmbëdhjetëvjeçar, i joshur nga tërë fetë, dhe mban emrin e një pishine. Emër jo i thjeshtë për t'u mbajtur, që e ka bërë objekt talljesh therëse dhe lojërash fjalësh. Deri ditën që për të gjithë vendos të jetë thjesht dhe vetëm Pi. Gjatë udhëtimit për në Kanada, bashkë me familjen dhe kafshët e kopshtit zoologjik që e drejton i ati, anija tregtare mbytet.

Pi përfundon në një sandall shpëtimi, në mes të Oqeanit Paqësor, fill i vetëm në shoqërinë e katër kafshëve. S'kalojnë shumë ditë dhe nga zebra e plagosur, orangutangu i Borneos dhe hiena histerike mbeten vetëm kockat e rreshkura nga dielli. I asgjësoi Riçard Parkeri, tigri i Bengalit, me të cilin Pi detyrohet të ndajë ato pak metra vend.

Kundër çdo logjike, djaloshi vendos ta zbusë. Sfida e tyre është mbijetesa, duke i bërë ballë etjes, urisë, peshkaqenëve, tërbimit të detit dhe kripës që i bren lëkurën. Udhëtimi i tyre është i jashtëzakonshëm, i tmerrshëm e plot frymëzim, ironik dhe i dhunshëm, që na çon shumë më larg nga ç'mund të rrokë përfytyrimi. Dhe zbulojmë, që po ajo histori mund të ngjasojë me një mijë të tjera. Histori, që ringjall besimin te magjia dhe fuqia e fjalëve.

I trumbetuar si një klasik i ri nga kritika, Jeta e Pisë është një libër unik, që luhatet mrekullisht midis realizmit dhe magjisë, me tharmin e një romani aventure dhe të një përralle surreale, që papritur përshkohet nga një shpirt katil e mizor.

Komente mbi librin

"Një histori kaq magjike, kaq e gjallë, e trishtueshme dhe mahnitëse që do t'ju bëjë të besoni se imagjinata mund të jetë hapi i parë [i besimit në Zot]... Çdo faqe eshtë e mbushur me tension, humanizëm, surpriza dhe madje ngazëllim."

The Times

"Ky roman jashtëzakonisht i dashur është plot me çudi: një pafajësi e kërkuar që prodhon një vështrim të freskët dhe të tërthortë në supozimet tona të zakonshme rreth ndarjeve fetare, rreth kopshteve zoologjike kundrejt jetës së egër ose rreth mundësisë së lirisë."

The Guardian

Mbi autorin

Bir diplomatësh kanadezë, ka lindur në Spanjë më 1936 – ën. Ka jetuar në Kosta Rika, Francë, Meksikë, Alaskë dhe Kanada, ku edhe qëndroi. Duke parë për herë të parë dritën e botimit në vitin 2001, Jeta e Pisë ishte një ndër fenomenet letrare botërore më të spikatura dhe mbresëlënëse të viteve të fundit.

I botuar në më se tridhjetë vende, fitues i çmimit prestigjioz Man Booker Prize 2002, nga Anglia në Indi, nga Kanadaja në Shtetet e Bashkuara, ka arritur majat më të larta të shitjeve, duke bërë për vete me miliona lexues.