Zotëria i jetimëve, Adam Johnson

Titulli: Zotëria i jetimëve
Origjinali: The Orphan Master's Son
Gjinia: Roman
Autori: Adam Johnson
Shqipëroi:Agim Doksani
Shtëpia botuese: Botimet Morava
Viti: 2014
Fq. 547
Pesha: 0.621 kg.
ISBN: 978-9928-169-28-0

Mbi librin

Pak Jun Do është biri i një nëne të zhdukur, një këngëtare e rrëmbyer dhe e dërguar në Penian për të joshur të fuqishmit e kryeqytetit, dhe i një babai të rreptë, drejtor i një jetimoreje. Në moshë të rritur, shquhet për besnikërinë dhe guximin, aq sa e bindi shtetin t’i japë mundësinë të ngjitë me shpejtësi shkallët e karrierës. Kështu, i hyn kësisoj një rruge pa kthim, përmes kthinave të fshehta të diktaturës më misterioze të planetit.

“Qytetar i përulur i kombit më të madh të botës”, Jun Doja do të bëhet grabitës profesionist, i detyruar të manovrojë mes rregullave të luhatshme dhe kërkesave përbuzëse të eprorëve, për të mbijetuar. Dashuria për San Munin, aktoren legjendare, do ta shtyjë t’i marrë në dorë frerët e jetës së vet, me një kthesë të beftë mbresëlënëse.

Ngjarjet zhvillohen në Korenë e Veriut të ditëve tona dhe libri - zbulim i Adam Johnson-it - përshkruan jetën dhe ndodhitë, si një Kandid modern në një regjim të izoluar e të marrë. Një mbretëri e mirëfilltë eremite, ku realiteti dhe propaganda pleksen e kapërthehen derisa bëhen një dhe të pandarë.

Roman aventuresk, rrëfim i një pafajësie të humbur dhe histori romantike dashurie. Zotëria i jetimëve është njëherësh edhe portret mbresëlënës i një bote, që deri më sot na është mbajtur e fshehur: një tokë e dërrmuar nga uria, korrupsioni, mizoria që godet qorrazi e kuturu, por ku ekziston edhe solidariteti, copëza të befta bukurie dhe dashurie.