Sashenka, Simon Sebag Montefiore

Titulli: Sashenka
Origjinali: Sashenka
Gjinia: Roman
Autori: Simon Sebag Montefiore
Shqipëroi: Ergys Petriti
Shtëpia botuese: Botimet 55
Viti: 2011
Fq. 568
Pesha: 0.846 kg.
ISBN: 978-9928-106-00-2

Koment nga autori

Kjo është historia ndër breza e grave dhe fëmijëve të një familjeje të sajuar dhe shpresoj se do të shijohet si e tillë: një roman i ngushtë për një familje. Por frymëzimin e ka tek shumë historia, letra dhe raste që kam gjetur në arkiva dhe kam dëgjuar në intervista gjatë dhjetë viteve që jam marrë me studimin e historisë ruse.

Paraardhësit e mi u arratisën nga Perandoria Cariste në vitet e para të shekullit të kaluar dhe ndezën interesimin tim të përjetshëm për Rusinë. Ka disa personazhe historike në këtë libër: Rasputini dhe Stalini, ndër më të spikaturit, dhe portretet e tyre janë aq të sakta sa ç’mund t’i bëja unë. Por, ndërsa shkruaja këtë libër, Sashenka dhe familja e saj nisën të ngjanin më realë se bashkëkohësit e tyre faktikë.

Historianët përgjithësisht shkruajnë për njerëz të jashtëzakonshëm që u kanë dhënë formë ngjarjeve botërore. Por këtë roman doja ta shkruaja për një familje të zakonshme, që u përball me triumfet dhe tragjeditë e historisë ruse të shekullit të njëzetë.

Më mahniste kuraja dhe qëndresa e atyre mijëra grave që kishin humbur burrat dhe fëmijët dhe pyesja veten: si kishin mbijetuar? Dhe si do ishte sjellë secili prej nesh në ato kohëra aq të llahtarshme?

Mbi të gjitha, ky libër është mbi dashurinë dhe familjen, por po ashtu doja t’i zgjoja interes lexuesit për këto kohëra të çuditshme e tragjike të historisë ruse, i cili ndoshta nuk lexon libra historie.