Titulli: Gjendja njerëzore
Origjinali: La Condition humaine
Gjinia: Roman
Autori: Andre Malraux
Shqipëroi:Amantia Kapo
Shtëpia botuese: Toena
Viti: 2011
Fq. 360
Pesha: 0.401 kg.
ISBN: 978-99943-1-776-9
Mbi librin
Në 1999 revista "Le monde" e ka cilësuar si një ndër librat më të mirë të shekullit. Ngjarjet e romanit zhvillohen gjatë një periudhe 22 ditore, në Shangai, Kinë. Personazhet qendrore janë Çeni, Kio, Gisori, Katu dhe baroni Klapik. Fatet e tyre ndërthuren me njëri-tjetrin. Ky është një roman ekzistencial e fatalist.
Momente rrëqethëse zënë faqe të tëra, të ndikuara edhe nga eksperienca personale e vetë autorit, siç është ajo e Çenit dhe e Kios të cilët me cianurin mes duarve të tyre presin momentin që t'i japin fund jetës përpara se t'i djegin të gjallë në vagonë. I gjithë romani është një trajtesë dyplanëshe: midis përkrahësve të komunizmit dhe kundërshtarëve të tyre.
Por, për hir të idealit sa larg mund të shkosh, a ia vlejnë sakrificat, gjaku i fëmijëve, trupat e copëtuara? E në fund kush është i fituar? Ndoshta dinjiteti njerëzor?!
Mbi autorin
Andre Malro u lind në Paris në 1901. Duke qenë natyrë aventuriere, ai braktisi shkollën duke u apasionuar pas muzeve dhe librarive të Parisit. Ai ka qenë pjesëmarrës në Luftën e Parë Botërore, Luftën Civile në Spanjë, Luftën e Dytë Botërore si dhe ka pasur në Francë pozita të rëndësishme si ministër i Informimit, ministër i Shtetit, ministër i Kulturës. Vdiq në Paris në 23 nëntor 1976. Për nder të kontributit tij në kulturën franceze hiri i tij u vendos në Panteonin e Parisit në 1996 për 20 vjetorin e vdekjes së tij.
