Titulli: Tregimtarë të gjuhës gjermane pas 1945 – s (kopertinë e trashë)
Origjinali: Tregimtarë të gjuhës gjermane pas 1945 – s
Gjinia: Novela
Autori: Të ndryshëm
Përgatiti: Ardian Klosi, Jürgen Röhling
Shqipëroi: Ardian Klosi, Afrim Koçi, Lindita Arapi, Jonila Godole, Sonila Sadikaj
Shtëpia botuese: K & B
Viti: 2007
Fq. 496
Pesha: 0.717 kg
ISBN: 978-99943-718-8-4
Mbi librin
Për herë të parë i jepet në dorë lexuesit shqiptar një antologji e prozës moderne të gjuhës gjermane në përmasa kaq të mëdha. Asnjë letërsi e madhe nuk ka gëzuar këtë privilegj në gjuhës shqipe, të paktën jo për letërsinë moderne e bashkëkohëse. Përfshihen këtu prozatorët më të mirë të Gjermanisë, Austrisë e Zvicrës pas Luftës së Dytë Botërore.
Të gjitha tregimet në shqipërime të një niveli të lartë nga letrarë dhe përkthyes profesionistë të gjermanishtes. Një pasuri unike për shkrimtarë, studentë e specialistë të letërsisë, një botë e tërë që i hapet publikut të gjerë shqiptar. Letërsia e gjuhës gjermane në gjysmën e dytë të shekullit 20 vijon, pas traumës së pasluftës dhe "orës zero", traditat më të mira të periudhës para marrjes së pushtetit nga nazistët.
Veç klasikëve modernë, antologjia përmban një numër shkrimtarësh që ekperimentojnë në rrugë të reja. Bertold Brecht, Heinrich Böll, Friedrich Dürrenmatt, Max Frisch, Günter Grass, Elias Canetti, Elfriede Jelinek dhe shumë mjeshtër të tjerë të prozës së gjuhës gjermane, përmbledhur në një libër që vendos standarde të reja në botimet tona.
Një shkollë për të mësuar mjeshtërinë e tregimit, 40 tregime për të zbuluar realitete të reja e për të hyrë në skutat më të thella të psikologjisë njerëzore. Mbi përkthyesit Dr. Ardian Klosi, studiues i albanologjisë, gjermanistikës dhe letërsisë së krahasuar, ka botuar deri më tani një radhë autorësh të gjuhës gjermane.
Qysh në vitet '80 pruri në shqip shkrimtarë si Heinrich Böll, Friedrich Dürrenmatt, Max Frisch etj. Ka shqipëruar një pjesë të mirë të teksteve të kësaj antologjie. Jürgen Röhling është specialist i letërsisë gjermane dhe i anglistikës. Ka botuar një numër shkrimesh në revista e gazeta të Gjermanisë. Ishte docent i gjermanistikës në Szolnok të Hungarisë dhe Katovice të Polonisë. Sot punon në Tiranë pranë Departamentit të gjermanishtes.
