Titulli: Mjeshtri
Origjinali: The Master
Gjinia: Roman
Autori: Colm Toìbìn
Shqipëroi: Ilira Shurbani
Shtëpia botuese: Dituria
Viti: 2010
Fq. 372
Pesha: 0.47 kg
ISBN: 978-99943-46-89-9
Mbi librin
Romani "Mjeshtri" është një pasqyrë e jetës së shkrimtarit Henri Xhejms në vitet e fundit të shekullit XIX. Libri përbëhet nga njëmbëdhjetë kapituj, në të cilët zhvillohen ngjarjet prej janarit të 1895 deri në tetor të 1899, duke e ndjekur shkrimtarin nga dështimi i tij në përpjekje për të pasur sukses në teatrin e Londrës, me dramën "Guy Domville", e deri në izolimin e tij në qytetin e Rait, ku për vite me radhë ai krijoi kryevepra me vlera të pabesueshme.
Romani nis me përshkrimin e Henri Xhejmsit si një figurë publike, që papritur ndihet i turpëruar, jo vetëm nga mënyra se si publiku reagon ndaj veprave të tij, por edhe në një mënyrë më personale, pasi asnjë nga parashikimet e bëra për të ardhmen nuk po ecte si duhet.
Henri vendos të largohet nga jeta publike duke blerë një shtëpi në Rai, ku jetoi i vetmuar e i përndjekur nga kujtimet e jetës. Portreti i Henri Xhejmsit është portreti i një njeriu që përpiqet të përballojë sfidat e jetës, duke u përpjekur të zbulojë gjithçka, qoftë edhe skutat më të errëta brenda vetes. Kishte ëndërruar shpesh për një vend të tillë të mbrojtur, ku do të jetonte e do të shkruante i qetë.
Ai ishte rreth të pesëdhjetave kur vendosi ta shmangte shoqërinë e motrës së tij të sëmurë, të cilën e adhuronte, kur zgjodhi të qëndronte larg familjes dhe vendit të tij, kur ftohu marrëdhënien me mikun e tij të ngushtë shkrimtar, duke mbetur një beqar me tërheqje seksuale të pavendosur e duke jetuar në një shtëpi në jug të Anglisë me nëpunësit dhe vizitorin e përditshëm, stenografin, të cilit i diktonte veprat e tij.
Komente mbi librin
"Një libër i guximshëm, i thellë, i shkruar mrekullisht bukur."
Guardian
"Mjeshtri është një libër i jashtëzakonshëm dhe magjepsës... Toìbìn shpalos, në një mënyrë mjeshtërore, mençurinë dhe aftësinë metaforike, psikologjinë e hollë dhe ligjërimin e një mendjeprehtësie të shkëlqyer, me të cilat një romancier i madhe rroku ngjyrimet e ndërgjegjies dhe hipokrizitë e shoqërisë."
Sunday Times
"Një nga romanet më të rëndësishëm të vitit. Mjeshtri na dhuron një intimitet të mirëfilltë me një prej atyre njerëzve që mund të ketë qenë Henri Xhejmsi."
London Review of Books
"Është e vështirë të përfytyrosh një admirues të Henri Xhejmsit, që të mos jetë mbërthyer nga ky roman: një vepër përkushtimi letar nga një shkrimtar, i cili është vetë një mjeshtër i prozës madhështore dhe i ngjyrimit psikologjik."
Sunday Telegraph
Mbi autorin
Colm Toìbìn (Irlandë, 1955) ka studiuar në University College në Dublin. Gjatë viteve 1975 – 1978 shkroi dy romane: "Jugu" dhe "Homazh Barcelonës". Kur u kthye në Irlandë punoi si gazetar për "In Dublin", "Hibernia" dhe "The Sunday Tribune". Shkrimet publicistike i përmblodhi në "Sprova të gjithanshme" (1990), "Gjaku i keq: një shëtitje përgjatë kufirit irlandez" (1987) dhe "Shenja të kryqit: udhëtime në Europën katolike" (1994). Romane te tjera: "Shqopa flakëruese" (1992), "Historia e natës" (1996), "Fari lundures i Bllekuotërit" (1999), "Mjeshtri" (2004), "Bruklin" (2009). Tregimet janë përmbldhur në: "Nënat dhe fëmijët" (2006) dhe "Familja boshe" (2010).