Hëna e re, Stephenie Meyer

Titulli: Hëna e re, Libri i Dytë
Origjinali: New Moon
Gjinia: Roman
Autori: Stephenie Meyer
Shqipëroi: Marsida Gjonçaj
Shtëpia botuese: Morava
Viti: 2010
Fq. 488
Pesha: 0.581 kg.
ISBN: 978-99956-266-7-9

Mbi librin

Për Bela Suanin ka vetëm diçka më të rëndësishme se vetë jeta: Eduard Kulleni. Por, të dashurosh një vampir është shumë më e rrezikshme nga ç'mund ta kishte menduar Bela. Sakaq, Eduardi e ka shpëtuar Belën nga kthetrat e një vampiri të rrezikshëm.

Por, tani që lidhja e tyre përbën rrezik për çka është e shtrenjtë për ta, ata kuptojnë se telashet vetëm sa kanë filluar.

Fragmente nga libri

Ndihesha sikur isha zënë në kurth, në një nga ato makthet e tmerrshme, në të cilat duhet të vraposh, të vraposh sa të mbetesh e pafrymë, por trupi yt nuk mundet të lëvizë mjaftueshëm shpejt. Këmbët e mia dukej sikur ecnin gjithnjë e më ngadalë teksa çaja nëpër turmën e pashpirt, por akrepat në kullën gjigante të sahatit nuk ngadalësoheshin.

Me forcë të papërmbajtshme e moskokëçarëse, ata drejtoheshin pa u ndalur drejt fundit, fundit të gjithçkaje. Por nuk ishte ëndërr, dhe ndryshe nga makthi, unë nuk po vrapoja për jetën time; po rrekesha të shpëtoja diçka, që ishte pafundësisht më e çmuar. Sot jeta ime nuk kishte asfare rëndësi. Ishte shumë e çuditshme, sepse e dija që të dyve na kanosej një rrezik vdekjeprurës. E megjithatë, në atë çast, ndihesha mirë. E plotë.

Ndieja zemrën të më rrihte fuqishëm në kraharor, gjakun të më rridhte i nxehtë dhe i shpejtë në deje. Mushkëritë e mia mbusheshin me aromën e këndshme që lëshonte lëkura e tij. Ishte njësoj sikur të mos kishte pasur asnjë zgavër në kraharorin tim. Ishte diçka e përsosur... jo e shëruar... por sikur të mos kishte pasur kurrë ndonjë plagë.

Komente mbi librin

"Adoleshentët do ta përpijnë këtë aventurë të re dhe do të kërkojnë më shumë."

Booklist

"Te Hëna e re ndërthuret romanca me suspancën."

USA Today

"Ka një ekuilibër gati gjenial të romancës dhe aksionit që të lë pa frymë."

VOYA

"Hëna e re do t'i lërë fansat të presin me padurim librin e tretë."

School Library Journal

Mbi autoren

Stephenie Meyer ka studiuar në Brigham Youn University dhe është diplomuar për letërsi angleze. Ajo jeton me bashkëshortin dhe tre djemtë e saj në Arizona. Pas librit të saj të parë "Muzgu", librarët e përzgjodhën si një nga autoret më premtuese të vitit 2005.