Titulli: Muzgu, Libri i Parë
Origjinali: Twilight
Gjinia: Roman
Autori: Stephenie Meyer
Shqipëroi: Artan Miraka
Shtëpia botuese: Morava
Viti: 2009
Fq. 394
Pesha: 0.441 kg.
ISBN: 978-99956-26-34-1
Fragmente nga libri
S'më kishte shkuar asnjëherë ndërmend se si do të vdisja, edhe pse kisha boll arsye muajt e fundit, por prapë s'do ta kisha përfytyruar asisoj... E ku ta gjeja të vdisja për ndokënd që doja. Ashtu do t'ia vlente barra qeranë. Për tre gjëra isha krejtësisht e sigurtë. Një, Eduardi ishte vampir. Dy, një pjesë e tij, që nuk e di se sa mbizotëruese mund të ishte, ndiente etje për gjakun tim. Dhe tre, unë isha dashuruar pa kushte dhe përfundimisht me të.
Mbi librin
Kur Izabela Suan transferohet në qytetin e zymtë Forks, ku takon Eduard Kullenin misterioz dhe tërheqës, jeta e saj merr një kthesë drithëruese dhe të frikshme. Me lëkurën e tij të porcelantë, sytë e artë, zërin hipnotizues, Eduardi është njëherazi i papërballueshëm dhe i papërshkueshëm. Deri më tani ai ia ka dalë mbanë për ta fshehur identitetin e tij të vërtetë, por Bela është e vendosur që ta zbulojë të fshehtën e tij të errët.
Belës nuk ia rrok mendja se sa shumë është afruar me të, se gjithnjë e më shumë po e vendos veten dhe ata që e rrethojnë në rrezik. Dhe, se mund të jetë tepër vonë për t'u kthyer pas. Thellësisht tërheqës dhe me suspensë të jashtëzakonshme, "Muzgu" do të gjejë lexues që do gozhdohen deri në faqen e fundit.
Komente mbi librin
"Libri më i mirë i vitit."
Publishers Weekly
"Libri më i mirë i dhjetëvjeçarit deri tani."
Amazon
"Ajka e listës së librave më të mirë."
Teen People
"Kjo histori, e shtjelluar njëherazi nëpërmjet suspansës dhe romancës, do t'i kapë lexuesit duke kaluar çmendurisht faqet e këtij libri të parë, torturues të Meyer – it."
Publishers Weekly
"Faktori rrezik lartësohet si ngazëllim i dashurisë së fshehtë, që qetëson ndjenjat në një garë të llahtarshme për të mbetur gjallë. Muzgu do të ketë lexues që do vdesin nga dëshira për t'i ngulur dhëmbët e tyre në të."
School Library Journal
Mbi autoren
Stephenie Meyer ka studiuar në Brigham Youn University dhe është diplomuar për letërsi angleze. Ajo jeton me bashkëshortin dhe tre djemtë e saj në Arizona. Pas librit të saj të parë "Muzgu", librarët e përzgjodhën si një nga autoret më premtuese të vitit 2005.