Nuk do t'ju lë jetimë, Daria Bignardi

Titulli: Nuk do t'ju lë jetimë
Gjinia: Roman
Autori: Daria Bignardi
Shqipëroi: Lura Baçi
Shtëpia botuese: Dudaj
Viti: 2010
Fq. 166
Pesha: 0.17 kg
ISBN: 978-99943-0-154-6

Mbi librin

Ky libër, edhe pse rrëfen për një vdekje, flet për jetën. Dhe na thotë se është më mirë të japësh se të mos japësh, madje edhe atëherë kur gabohet. Nëpërmjet leksikut familjar, atij kodi privat fjalësh dhe mënyrash shprehjeje që e bën të veçantë çdo familje, "Nuk do t'ju lë jetimë" na tregon se sa e pasur mund të jetë jeta, edhe atëherë kur në të lenë gjurmë ankthi dhe pasiguria.

Me një mall të pashuar, duke ruajtur ekuilibrin midis mallëngjimit dhe zbavitjes, Daria Bignardi rrëfen një histori të ëmbël dhe ironike, tërheqëse si një fotografi bardhë e zi, e gjallë si një përqafim: një histori e drejtuar papritmas mbi ekranin e kujtesës, pikërisht atëherë kur protagonistja ndahet nga jeta. Historia e një dashurie më të fortë se mungesa, një tregim në të cilin kushdo, edhe pse zëri i rrëfyeses është absolutisht i veçantë, në mënyrë të pashmangshme do të gjejë vetveten.

Mbi autoren

Daria Bignardi, gazetare dhe autore programesh televizive, ka lindur në Ferrara. Në moshën njëzetetrevjeçare shkoi të jetonte në Milano, ku ka bashkëpunuar me shumë gazeta, që nga "Panorama" e deri te "Sette" dhe "La Stampa". Që nga viti 1991 punon për televizionin dhe radion. Ka drejtuar për dy vjet revistën e përmuajshme "Donna" të Hachette Rusconi-t. Që nga prilli i vitit 2005 e deri në fund të vitit 2008 ka shkruar dhe ka drejtuar programin "Le invasioni barbariche" për kanalin televiziv La7. Prej disa vjetësh shkruan për revistën "Vanity Fair".