Suitë franceze, Irene Nemirovsky

Titulli: Suitë franceze
Origjinali: Suite française
Gjinia: Roman
Autori: Irène Nèmirovsky
Shqipëroi: Nasi Lera
Shtëpia botuese: Dituria
Viti: 2009
Fq. 380
Pesha: 0.47 kg
ISBN: 978-99943-46-72-1

Mbi librin

Shkruar në zjarrin e historisë, romani "Suitë franceze" përshkruan pothuaj drejtpërsëdrejti eksodin e qershorit të vitit 1940, që përfshiu mes një rrëmuje tragjike familjet franceze të të gjitha shtresave, nga më të pasurat në më të thjeshtat. Irenë Nemirovski ndjek hap pas hapi poshtërsitë e panumërta dhe vrullet e brishta të solidaritetit të një popullsie të shpartalluar.

Kurvica të braktisura nga dashnorët, borgjezë të mëdhenj të neveritur nga vegjëlia, të plagosur të braktisur nëpër ferma, mbushin rrugët e bombarduara të Francës... Armiku pushton pak nga pak një vend pa jetë dhe të frikësuar. Si të gjitha fshatrat edhe Bysija është e shtrënguar të presë trupat gjermane. Tensionet shoqërore të banorëve fillojnë të zgjohen të acaruara nga prania e pushtuesit. Roman tronditës, i thellë, i pamëshirshëm, që zbulon me një qartësi të jashtëzakonshme shpirtin e çdo francezi gjatë pushtimit.

Suitë franceze ringjall me një penë të shkëlqyer dhe intuitive një pjesë të mprehtë të kujtesës sonë. Botuar më 2004, korri një sukses të rrallë sa theu edhe rregullat e ngurta, duke marrë çmimin Renaudot, i cili nuk i jepej asnjëherë një autori të vdekur.

Mbi autoren

Irène Nèmirovsky, hebreje nga Ukraina, lindur më 1903 në Kiev, njohu suksesin me romanin e saj të parë "David Golder" (1929), pastaj me romanin "Balloja" (1930). Pas eksodit, ajo u strehua në një fshat të Morvanit, para se të arrestohej nga xhandarët francezë, pastaj të vritej në Aushvic, verën e vitit 1942.

Vajza e saj e madhe, Deniza, në moshën 13 vjeçare, mori me vete në arratisjen e saj një valixhe që përmbante një relike të dhimbshme: dorëshkrimin e fundit të nënës së saj, romanin "Suitë franceze", të pabotuar deri më 2004.