Arti dhe mjeshtëria e bukurisë, Juha Varto

Titulli: Arti dhe mjeshtëria e bukurisë
Origjinali: Kauneuden taito: Estetiikkaa taidekasvattajille
Gjinia: Artet e bukura
Autori: Juha Varto
Shqipëroi: Gëzim Qëndro
Shtëpia botuese: Dituria
Viti: 2015
Fq. 224
Pesha: 0.304 kg.
ISBN: 978-9928-4260-6-2

Mbi librin

Qëllimi i këtij libri është të hedhë dritë mbi estetikën nga disa pikëvështrime, para së gjithash, për të treguar disa ide dhe tipare themelore. Ai përfshin haptas pikëpamje vlerëgjykuese dhe polemizuese, të cilat synojnë, si të thuash, të sfidojnë vetë pedagogët e artit që të mos i pranojnë, duke formuar kështu opinionet e tyre.

Fragment nga libri

Detyra e pedagogut të artit është ta drejtojë një fëmijë apo të ri, shpesh edhe ndonjë të rritur, drejt zbulimit të aftësive dhe shkathtësisë. Ky drejtim mund të ndihmohet fort drejt ideve, theksimeve dhe vlerësimeve të ofruara nga estetika. Çdo epokë prodhon pikëpamje të ndryshme, por thelbi ka qenë gjithmonë i njëjtë: marrëdhënia e njeriut me botën përmes shqisave.

Për një pedagog arti, estetika lidhet kryesisht me shqyrtimin e aftësive në shkallën më të gjerë të mundshme. Kjo sepse një aftësi nuk mund të ketë vetëm kuptimin se di të bësh diçka, një përsëritje mekanike pa kuptuar gjë nga konteksti.

Aftësia gjithmonë thelbësore nënkupton rrokjen e parimeve operacionale, të etikës dhe përgjegjësisë. Ajo përfshin gjithashtu të qenit i aftë t'ua komunikosh këtë aftësi të tjerëve, të udhëheqësh dhe të mësosh.

Mbi autorin

Juha Varto është profesor kërkimi në artet pamore dhe edukim i Universitetit të Artit dhe Dizajnit në Helsinki. Si filozof, ai ka shkruar libra rreth Platonit, Heideggerit dhe etikës. Botimet e tij rreth kritikës dhe teorisë së artit përfshijnë vepra të kinemasë europiane, të estetikës dhe këngës flamengo.

Në studimet e kohëve të fundit është fokusuar në veçanësinë e përvojës njerëzore në art dhe në jetën e përditshme, duke ndërtuar një dialog midis Geroges Bataille dhe Michel Henry. Juha Varto ka gradën doktor në filozofinë teorike dhe master në studimin rreth teatrit. Ai drejton studimet dhe kërkimet doktorate në Shkollën Universitare të Edukimit Artistik.