Gjergj Antoniu, nje jete me violincel, Ilirjana Dema

Titulli: Gjergj Antoniu, një jetë me violinçel (përfshin 2 CD muzikore)
Origjinali: Gjergj Antoniu, një jetë me violinçel
Gjinia: Monografi artistike
Autori: Ilirjana Dema
Shtëpia botuese: FLESH
Viti: 2010
Fq. 256
Pesha: 0.445 kg
ISBN: 978-9928-4023-4-9

Mbi librin

Ky libër është një studim monografik për Gjergj Antoniun dhe njëkohësisht dhe pasqyrë e 30 viteve jetë artistike të të gjithë muzikantëve (pianistë, dirigjentë, dhe muzikantë të tjerë) me të cilët ka bashkëpunuar Antoniu.

Koment nga Prof. Dr. Adriatik Kallulli

Muzikologia Ilirjana Dema ka tashmë një jetë të tërë që qëndron pranë instrumentistëve, ua dëgjon me vëmendje që të gjitha koncertet, shkruan portrete dhe impresione për ta, gjykon vlerat dhe evolucionin e tyre me peshoren e profesionistes dhe adhurimin për kolegët e talentuar.

Në këtë vazhdë është edhe kjo monografi shumë serioze për violinçelistin e madh shqiptar, Gjergj Antoniun. Pesë vite punë, kërkim, hulumtim, për të ndërtuar një libër të ngjeshur me fakte, informacione, citime, argumente, interpretime, analiza dhe sinteza të shumta. Artistët e mëdhenj të detyrojnë të bësh punë të madhe, nëse vërtetë kërkon t'i respektosh dhe t'i vlerësosh.

Mbi autoren

Ilirjana Dema prej 33 vitesh është pedagoge në Akademinë e Arteve, Fakulteti i Muzikës, Tiranë. Ka fituar gradën "Doktor" dhe mban titullin "Profesore e Asociuar". Prej vitesh angazhohet në shtypin periodik si muzikologe. Është autore e librit "Metodologjia e edukimit ritmik". "Gjergj Antoniu, një jetë me violinçel" është libri i saj i dytë.