Butrinti venecian/ Venetian Butrint, Andrew Crowson

Titulli: Butrinti venecian/ Venetian Butrint
Origjinali: Butrinti venecian/ Venetian Butrint
Gjinia: Arkeologji
Autori:Andrew Crowson
Shtëpia botuese: Butrint Foundation
Viti: 2007
Fq. 96
Pesha: 0.332 kg.
ISBN: 978-0-9535556-4-2

Fragment nga libri

Historia e Butrintit, qytetit – port antik është e lidhur ngushtë me historinë e mbarë botës mesdhetare. Duke ofruar ankorim dhe akses në brendësi të Ballkanit malor, pozicioni strategjik i Butrintit në pikën e kontrollit të ngushticës mes Shqipërisë dhe Korfuzit i ka dhënë formë rëndësisë së tij që nga kohërat më të hershme deri në luftrat napoleoniane.

Me ndarjen e Perandorisë Romake në vitin 395 të erës sonë, Butrinti u bë pjesë e Perandorisë Bizantine nën varësinë e qeveritarit bizantin të Artës dhe mbeti në varësinë e tij, me përjashtim të një periudhe të shkurtër në fund të shekullit të XI – të kur ai ra në duart e normanëve të udhëhequr nga Robert Guiscard, deri në fillim të shekullit XIII.

Flota normane gjatë tërheqjes së saj nga Korfuzi u asgjësua në brigjet e Butrintit në vitin 1085 nga Republika Veneciane. Në aleancë me bizantinët për të frenuar shtrirjen normane në Adriatik, kjo fitore e kombinuar me koncesione të mëpasshme tregtie shtyu Venecian drejt rrugës së dominimit të tregtisë së Mesdheut.