Lista e librave të autorit ose përkthyesit Elisabetta Gnone

Megjithatë, një lidhje duket e pazgjidhshme, ajo që bashkon Vaniljen dhe Pervinkën, shtrigat binjake, të njëjta sa edhe të ndryshme, Dritë dhe Terr në vogëlushet e një gjaku. 

Fairy Oak është një fshat magjik dhe i lashtë, i fshehur në mjegullat e kohëve të paharrueshme. Nëse niseni ta kërkoni, do t’ju duhet të udhëtoni mes maleve skoceze dhe kodrave normane, nëpër luginat e lulëzuara të Bretanjës, mes livadheve të gjelbra irlandeze dhe gjireve të oqeanit.

Lufta përfshin Fairy Oak dhe Luginën e Sheshnajgjelbrës. Banorët e Fairy Oak organizojnë mbrojtjen, por dyshimi u helmon shpirtin: mos vallë Armiku është futur mes binjakeve? A është prishur Aleanca e Lashtë midis Dritës dhe Territ? Me gjithë dashurinë për Vaniljen, Pervinka është e detyruar të ikë dhe në këtë çast Armiku hidhet në sulmin e fundit. 

Olga Papeli është një vajzë hollake si degëz dhe ka një talent të veçantë: di të rrëfejë histori të pabesueshme, të cilat thotë se i ka jetuar vetë dhe ku mund të ndodhë që një baldosë të flasë, një lepur të jetë lundërtar dhe një ari të bëhet rrobaqepës.