"Historia e gruas së fotografit” është emri me të cilin e njohin të gjithë, ato pak herë që e përdorin, por, në të vërtetë, ajo është edhe historia e vetë fotografit, ose më saktë, është historia e teorisë së tij mbi rëndësinë e gjërave të vogla.
Përrallat e treguara nga Mitrush Kuteli përbëjnë pjesën më të rëndësishme të letërsisë shqiptare, një frymëzim për një numër të madh veprash të tjera letrare që pasuan përgjatë dekadave. Tregime të Moçme Shqiptare përbën një klasik të të gjitha kohërave.
Për shumë vite me radhë Enver Hoxha i imponoi historisë versionin e tij. Ai rezulton i paturpshëm për t'i transformuar ngjarjet, për t'i fshirë ose zhdukur personazhet dhe për të ngritur në histori një protagonist të vetëm: atë vetë.
Duke lexuar "Prillin e thyer" kuptohet lehtësisht përse dhe me çfarë force Ismail Kadare është pasionuar për tragjedinë dhe për dy përfaqësuesit më të shquar të saj, Shekspirin dhe Eskilin. "Miku, besa dhe gjakmarrja janë rrotat e mekanizmit të tragjedisë antike, dhe të futesh në mekanizmin e tyre është të shikosh mundësinë e tragjedisë."
Në rolin e një studiuesi, Ismet Hajrullahu synon të bëjë një analizë, ndër të parat analiza, të periudhës "hyrëse" të luftës për Kosovën, që është edhe ajo më e vështira, atë të viteve 1989 – 1998... Autori ka zgjedhur si yll polar të analizës së tij pikërisht faktorin më të ri, UÇK, lindjen dhe afirmimin e saj.
Kjo është historia e pikturës perëndimore, që nga varret e lashta egjiptiane deri tek arti modern, e treguar thjesht dhe qartë dhe e ilustruar me 160 nga veprat më të famshme botërore.
Në vitin 2010, autori u prezantua me broshurën sprovë "Zgjidhja e një misteri", e cila po i paraqitet lexuesit me këtë botim si një punim kërkimor, ku ndërthuren aspekte të ufologjisë, filozofisë, historisë së lashtë të shqiptarëve dhe misticizmit.
Prej viteve '60 e deri sa vdiq më 2003 Robert Schwartzi u bë një nga urat më të rëndësishme që lidhi botën shqiptare me kulturën e gjuhës gjermane. Jo thjesht pse ishte shumë shqiptar dhe e njihte shumë mirë gjuhën gjermane. Por, sepse ishte në radhë të parë europian dhe kozmopolit, me rrënjë në Vjenë, në Europën qendrore dhe Ballkanin Perëndimor.
Kaliopi Naska ka lindur në Tiranë në vitin 1952. Studimet universitare i ka mbaruar në Fakultetin e Histori – Gjeografisë në Universitetin e Tiranës më 1976. Ka punuar arsimtare, punonjëse shkencore në Institutin e Historisë pranë Akademisë së Shkencave, nëndrejtore në Arkivin Qendror Shtetëror.
Arti i madh e ka jetën e gjatë, matet me shekuj e mijëvjeçarë.Mund të ketë mjeshtëri pa art, por s'ka art pa mjeshtëri.Artin e krijon botëkuptimi i shoqërisë dhe talenti i individit.Linda, jetova dhe do vdes i varfër.
Shqipëria, si shtet dhe komb, është e përmasave të vogla, midis kombesh jo tepër të mëdha në zonën e Mesdheut, me vende policentrike, ku vetë ajo mund të konsiderohet si më policentrikja, me qarqe dhe qytete që janë qendra të vjetra të shkëmbimeve, si dhe me fshatrat përreth.
Atlas i anatomisë së njeriut sjell një vështrim tërësor mbi makinën e mrekullueshme që është trupi ynë. Nga koka tek këmbët, figura tërheqëse me shpjegime të saktësisë së lartë, të krijuara me teknologjinë imazheriste të kohëve më të fundit, sjellin pamje të jashtëzakonshme të pjesëve kryesore të trupit.
Ky libër i shërben gjyqtarëve, prokurorëve, avokatëve, oficerëve të policisë gjyqësore për punën e tyre të përditshme pasi në këtë mënyrë ata do të orientohen më shpejt në lidhje me qëndrimet që mban apo që duhet të mbajë Gjykata në raste të caktuara.
Libri paraqet 600 fjalë të urta nga brumi i shqipes që lidhen me vreshtarinë dhe verëtarinë, shoqëruar me shtjellimin agronomik për rritjen e hardhisë dhe prodhimin e rrushit si edhe me shtjellimin enologjik për prodhimin dhe shijesimin e verës.
