Titulli: Blu safiri, dashuria nuk njeh kohë
Origjinali: Saphirblau
Gjinia: Roman
Autori: Kerstin Gier
Shqipëroi: Irena Nasi
Shtëpia botuese: Pegi
Viti: 2019
Fq. 316
Pesha: 0.375 kg.
ISBN: 978-9928-233-69-1
Mbi librin
“Blu safiri” është vëllimi i dytë i trilogjisë së gurëve të çmuar, pasues i romanit “E kuqe rubini”. Qysh në çastin që zbuloi se ishte e fundmja e të Dymbëdhjetë udhëtarëve të kohës, jeta e Guendolinës mori tjetër kthesë.
Ajo nuk është një vajzë e zakonshme londineze, por një udhëtare në kohë, që Rojat – një urdhër i fshehtë me seli në labirintin e rrugëve përreth Temple Church – e dërgojnë në epokat e shkuara për të marrë një pikë gjaku nga dymbëdhjetë të përzgjedhurit dhe për të plotësuar kronografin, një mision prej të cilit varet fati i njerëzimit.
Gjatë kohës që kërkon nëpër shekuj të tjerë udhëtarë të kohës, ajo përpiqet të kuptojë gjithë misteret dhe profecitë që qarkullojnë për Rrethin. Në gjendjen ku është, e shqetëson thuajse çdo gjë: fakti që e fluturojnë para e mbrapa nëpër shekuj, hamendja përzier me zili e kushërirës Sharlotë, mërzia e mësimeve të vallëzimit e të qëndrimit...
Pak gjëra i pëlqejnë: xhindi i vogël fantazmë Ksemerius, të cilin vetëm Gueni mund ta shohë dhe, natyrisht, shoku i saj i udhëtimeve në kohë: Gideoni i pashëm, i cili është tej mase i parashikueshëm me të. Pa dyshim, Gueni e di se nga duhet të ruhet: nga konti i Sen Zhermenit, që mban në dorë fijet e gjithë ngjarjeve dhe që kërkon të plotësojë sa më shpejt kronografin, para se ta ndalojnë armiqtë. Po kush janë armiqtë e vërtetë? Pse Gueni nuk arrin t’i besojë atij?
“Blu safiri” është një roman i mbushur me aventurë, zbavitës, romantik dhe me humor, që ka rrëmbyer zemrat e shumë lexuesve në mbarë botën.
Fragment nga libri
Këtë herë nuk na shqetësoi as ndonjë udhëtim në kohë, dhe as ndonjë demon i pacipë. Gjatë kohës që këndohej Hallelujah, puthja vazhdoi të ishte shumë e butë dhe e kujdesshme, por pastaj Gideoni i futi të dyja duart te flokët e mi dhe më tërhoqi pas vetes.
Kjo s’qe më një puthje e butë dhe reagimi ndaj saj më habiti edhe mua vetë. Papritur e ndjeva trupin tim shumë të lehtë e të butë dhe ia hodha vetë duart rreth qafës Gideonit.
Nuk e kam më idenë se si, por dikur në minutat në vazhdim, pa e ndalur puthjen, përfunduam në kanapenë e gjelbër dhe aty vazhduam të putheshim, derisa Gideoni u çua papritur dhe pa orën.
Komente mbi librin
“Trilogjia e gurëve të çmuar” është një aventurë e jashtëzakonshme intriguese, e pasur me udhëtime të mistershme në kohë, me aksion që të lë pa frymë dhe romanca drithëruese.”
TeenReads.com
“Ky roman, njësoj si dhe vëllimi i parë, është shkruar me mjeshtëri të rrallë dhe ironi të këndshme, elemente këto që e shndërrojnë në një lexim të shpejtë dhe të parezistueshëm. Për lexuesit, Guendolina mbetet një prej heroinave më të shkathëta e më të zgjuara në qarkullim.”
Atelier dei Libri