Ofertë, katër libra me 800 lekë më lirë

Mbi librat

Romani 1984 u botua fillimisht më 1948 si një roman fantastiko-shkencor se si do të ishte bota më 1984. Ai konsiderohet si një roman profetik për shkak se parashikon me një saktësi të habitshme mënyrën se si teknologjia mund të ndihmojë qeveritë diktatoriale të mbajnë popujt nën terror dhe frikë dhe rrjedhimisht, të nënshtruar.

I varfër dhe i pastrehë në Paris dhe në Londër është romani i parë i George Orwell, në të cilin, shkrimtari i ri përshkruan aventurën e tij në dy metropolet e mëdha, pasi i vjedhin të gjitha paratë që kishte ndërsa jetonte si një aspirant për shkrimtar në Parisin e bohemëve.

Dalje për ajër është romani më i mirë nga pikëpamja artistike e Orwell, ndonëse jo më i famshmi. Personazhi i tij, një mezoburrë i shtresës së mesme profesioniste të Anglisë të periudhës së paraluftës së Dytë Botërore, përballet me disa sfida si në aspektin personal ashtu edhe në rrafshin shoqëror dhe politik dhe vendos që të arratiset nga të gjitha telashet për te një vend “ku është gjithmonë verë” dhe “ku dilet për peshk” sepse “peshkimi është e kundërta e luftës”.

Mbi tiraninë është libri me shpjegime të shkurtra nga historiani bashkëkohor amerikan Timothy Snyder, në të cilin jepen disa informacione të rëndësishme se si duhet të dallojmë politikat që i paraprijnë vendosjes së tiranisë dhe se çfarë mund të bëjmë ne si qytetarë për t’iu kundërvënë këtyre tendencave. Thjeshtësia me të cilën Snyder na mëson mbi historinë e ka bërë këtë libër të shumëshitur në SHBA dhe në të gjithë botën që kur u botua për herë të parë në vitin 2017.