Një familje e paparë, Obobo, Kroketa është sëmurë, libri 19

Kur mami dhe Pieri u kthyen nga një fundjavë romantike, i komunikuan një lajm Lolës dhe Tomit: familja do të transferohej në një shtëpi në periferi të Parisit.

Është e çuditshme! Kur dita nis keq, shkon për dreq deri në darkë. Lola kaloi një ditë të tmerrshme. E gjitha kjo, sepse në mëngjes prindërit dolën shumë herët

E mërkura është një ditë e rëndësishme për Lolën. Ajo ka kursin e kalërimit me kalin e vogël, ponin... Asaj i pëlqen shumë kalërimi!

"Kush vjedh një gjilpërë, vjedhe një ka të tërë!"... Lola e di mirë këtë. Gjyshi ia ka përsëritur 100 herë. Megjithatë, ajo vodhi sheqerka në dyqanin e zotit Martino.

Lola ishte shumë e gëzuar që po përgatiste festën e ditëlindjes së mamit. Vetëm se Romana, motra e vogël, vendosi të vinte në jetë tamam këtë ditë. Të gjitha planet u përmbysën dhe Lola u zemërua shumë me këtë bebe që i prishi ditën dhe "i mori mamin"...

Gjithçka ndodhi, sepse dadoja e Lolës nuk mund të vinte atë natë... dhe Tomi, vëllai i madh që duhej të kujdesej për të, donte të shkonte patjetër në një festë te një shok dhe i gënjeu prindërit, duke e marrë edhe Lolën me vete...

Është e diel. Familja e Lolës është e ftuar për vizitë te halla jo e vërtetë. Të shkosh për të ngrënë një byrek tradicional nuk është ndonjë argëtim i madh, sidomos kur nuk ke dëshirë. Të gjithë ishin të acaruar... Kjo ishte një e diel koti.

Ka shumë njerëz që shkojnë në mal për sportet e dimrit, por ka edhe të tjerë si Lola, që do të dëshironin të rrinin në të ngrohtë, nën batanije. Aq më tepër kur përfundoi në spital, sepse të gjithë kujtuan se theu këmbën. Por Lolës thjesht i ishte spërdredhur çorapi te pulpa....

Lola do t'i kalonte pushimet e prillit te babi, mirëpo ai niset në një udhëtim pune në fund të botës. Rezultati: ajo përfundon te gjyshja duke ngrënë peshk çdo vakt, që i vjen në majë të hundës.

Tomi ka një detyrë të veçantë: ai duhet të kujdeset për Lolën dhe Zhadën, vajzën e vogël të kushërirës së mamit. Ai i premton mamit për këtë. Por në shtëpi vjen Mediu, shoku i tij i ngushtë, që harron të mbyllë derën e shtëpisë.

Lola është shumë e gëzuar: ajo do të shkojë në një dasmë. Por, më e bukura... ajo do të jetë shoqëruesja e nuses. Natyrisht, ka veshur një fustan princeshe dhe i ka bërë flokët me rrica, ashtu siç ka ëndërruar gjithmonë. Eh, në të vërtetë, dasmat janë super argëtuese!

Lola i adhuron pushimet te gjyshi! Për më tepër që këtë herë me të është Tomi dhe shoku i tij, Mediu, madje edhe Kroketa. Asaj i pëlqen shumë të shkojë te fqinjët e gjyshit. Atje është si në panairet e Parisit: ka kafshë të të gjitha llojeve, si pula, bretkosa, peshq, pata, gjithashtu, edhe lepuj, lepuj të mrekullueshëm...

Lola ëndërron të ndihet e rritur: të ketë një celular dhe të dalë vetëm nëpër qytet. Por asaj nuk i lejohen këto. Por ja që një ditë, mami i beson Lolës dhe shoqes së saj një mision: të blejnë panine me çokollatë në furrën e bukës aty pranë. Ajo fluturon nga gëzimi dhe është shumë krenare për këtë!

Lola ndihet si në qiellin e shtatë. Mezi pret të shkojë me pushime, sepse do t'i kalojë ato me babin. Ajo ka kohë që s'e ka parë atë dhe ka shumë gjëra për t'i treguar. Mirëpo, edhe ai ka diçka me rëndësi për t'i thënë.

Jo, Ema nuk është si balenë, siç tallen djemtë në pishinë! Madje Lolës ajo i duket si princeshë. Edhe pse ka disa kilogramë më tepër, kjo nuk është një arsye për t'u tallur me të.

Lola bashkë me prindërit e saj është ftuar për darkë te shoqja e saj, Zhana. Për fatin e saj të madh, ajo do të qëndrojë edhe për të fjetur tek ajo. Por në shtëpinë e Zhanës, femijët sillen shumë të çuditshëm: nuk i dëgjojnë prindërit e tyre dhe, mbi të gjitha, sillen siç ua do qejfi.

Papunësia u fut frikën si të rriturve, ashtu edhe fëmijëve. Kompaninë e Pierit, babait jo të vërtetë të Lolës, do ta blejë një kompani tjetër dhe ai do të mbetet pa punë. Lola është shumë e shqetësuar dhe e pyet veten se pse pikërisht Pieri duhet të mbetet i papunë.

Në të vërtetë, jo vetëm djemtë dinë të luajnë futboll, por edhe vajzat janë sulmuese të mira dhe dinë ta mbrojnë portën. Dhe për këtë bindesh plotësisht, po të shohësh Kapuçinën me topin ndër këmbë.