Title: Në Shqipërinë burg
Original: Në Shqipërinë burg
Category: Memories, history
Author: Kurt Kola
Publisher: UET Press
Year: 2016
Pgs: 430
Weight: 0.501 kg.
ISBN: 978-9928-190-72-7
Mbi autorin
Kurt Kola u lind në Mat më 6 maj 1937. Pasi i ati, Bilal Kola, një prej përfaqësuesve të lartë të partisë Lëvizja e Legalitetit, i cili kishte strehuar dhe bashkëpunuar me misionarët ushtarakë Britanikë në Shqipëri gjatë Luftës së Dytë Botëre, nuk iu dorëzua komunistëve, këta të fundit internuan familjen e tij, në maj 1945, sëbashku me Kurtin, atëherë fëmijë veçse 8-vjeçar. Kalvari i Kurt Kolës fillon më 1945 dhe përfundon në 10 janar 1991, kalvar i cili ka qenë i alternuar internim – burg dhe burg – internim.
Më 1992, Kurt Kola u zgjodh Kryetar i Shoqatës Kombëtare të ish- të Përndjekurve Politikë. Më 1996, ai udhëhoqi koalicionin politik Lidhja e Djathtë. Më 1997 u zgjodh Kryetar i Forumit për Demokraci. Kurt Kola ka botuar librat: Ëndrra Burgu (Poezi); Fejesa në Burg (roman) dhe Përtej Dashurisë Njerëzore (Roman.
Mbi librin
Libri me kujtime i zotit Kurt Kola, titulluar “Në Shqipërinë Burg” është një rrëfim i gjatë, i detajuar i kalvarit të dhimbshëm, të mundimshëm dhe tragjik të familjes së Bilal Kolës Senmior dhe i të gjithë parisë intelektuale, patriotike të Shqipërisë tradicionale. Bilal Kola, bajraktari krenar i Macukullit në Mat, u vra pabesisht me dorën e komunistëve jugosllavë, dha jetën për të mbrojtur krenarinë e njeriut të lirë, duke qëndruar deri në fund me dinjitetin e shqiptarit të ndershëm dhe të papërkulur. Ndërkohë, familja e tij, bashkëshortja Vasha, fëmijët, mes të cilëve Kurti i vogël 9 vjeçar, përcollën një jetë të tërë epope nëpër kampet e shfarosjes në masë të Shqipërisë komuniste dhe u përfshinë në grupin e familjeve që nuk do të duhej ta shihnin kurrë lirinë, as në Burgin e Madh të Hapur të “Shqipërisë së Lumtur Socialiste”.
