Romani Pallati i Ëndrrave, Ismail Kadaresë është ndoshta romani më i bukur dhe shprehës i shkrimtarit. I publikuar në vitin 1982, në kulm të izolimit të madh të Shqipërisë dhe dhunës shtetërore, ky roman flet për një institucion të çuditshëm të Perandorisë Osmane, Ministrinë e Ëndrrave. Pothuajse askush nuk mbeti pa e kuptuar se një institucion i tillë gjendej në Shqipërinë e viteve ’80 dhe quhej Sigurimi i Shtetit, një aparat prej mijëra veshësh që dëgjonin gjithçka, por mbi të gjitha, përgjonin ëndrrat e shqiptarëve për një jetesë normale. Kadare përfundoi në gjyqin e partisë për atë vepër dhe shpëtoi për mrekulli.
Diktaturat kanë të njëjtat tipare, pavarësisht se në cilin cep të botës ndodhen. Dje, një artiste iraniane që jeton prej dekadash në Shtetet e Bashkuara të Amerikës, Shirin Neshat, deklaroi se po punon për ta transformuar Pallatin e Ëndrrave në një film.
“Jam shumë e interesuar për një roman të shkruar nga shqiptari Ismail Kadare, të quajtur “Romani Pallati i Ëndrrave, Ismail Kadaresë”; do të jetë një film në anglisht se ka shumë gjasa që do të filmohet në Europën Lindore,” tha Neshat për Indiewire.
Sipas artistes, romani mund të shërbejë si një alegori e lidhur me Iranin në mënyrën se si mund të paraqesë përpjekjet e shtetit për kontrollin e mendjes dhe imagjinatës së njerëzve, përfshirë edhe ëndrrat e tyre.
“Ndjej se ka mënyra për ta eksploruar absurditetin, fantaticizmin vicioz që na kërcënon ne sot,” – tha Neshat duke shtuar: “Te Pallati i Ëndrrave shoh një paralele të mrekullueshme në historinë e errët e komunizmit shqiptar dhe Iranit pas revolucionit islamik.”
E lindur në vitin 1957, Neshat u largua nga Irani pas revolucionit islamik të vitit 1978 dhe u kthye në Iran vetëm pas dymbëdhjetë vjetësh. Veprat e saj janë ekspozuar gjerësisht në Europë dhe SHBA.
liber i mrekullueshem si edhe shumica e librave te tij .KADARE eshte ikona e letersise shqipe, e pazevendesueshme.Ky liber eshte nje mesim i mire per ata qe nuk kane vuajtur kurre .VAZHDO KESHTU I MADHI KADARE.
eshte nje nder romanet ku nderthuret shume bukur ndjenja dhe kercenimi i te jetuarit nen vezhgim ne kohen e komunizmit..per mua ka qene thesht fantastik ta lexoje dhe te arrije te kuptoje ate cka donte te paraqiste autori,shkrimtari i madh Ismail Kadare