Vjedhesit e eres, Bahri Myftari

Titulli: Vjedhësit e erësTregime e NovelaAutori: Bahri MyftariShtëpia botuese: OnufriViti: 2011fq.224Pesha: 0.29 kgISBN: 978-99956-87-40-3 Mbi librin Ka shkrimtarë të cilët gjatë jetës së tyre krijuese jetojnë midis krijimit dhe publicitetit, ndërkohë disa syresh i bezdis publiciteti dhe mediat televizive, pasi iu duket sikur u vjedhin heshtjen e nevojshme, iu rrëmbejnë diçka nga thjeshtësia dhe vërtetësia e jetës. Te të dytët bën pjesë edhe shkrimtari Bahri Myftari, një shkrimtar që nuk i njeh lëvdatat, i vetëdijshëm për vlerat e tij krijuese, afatgjata. Nga një vështrim i imët që u kemi bërë tregimeve të këtij autori, e themi me bindje të plotë se proza e tij është një nga arritjet e letërsisë sonë të këtyre njëzet vjetëve. Si për nga tematike ashtu edhe për nga cilësia ajo qëndron denjësisht përkrah dy - tre emrave të njohur të prozës sonë. "Shkrimtari shpirtëzon botën" thotë Sartri. Bahri Myftari ka tri dekada që vazhdon të kryejë këtë mision... Ka ecur me guxim e vendosmëri në udhën e një letërsie që merr përsipër barrën të pasqyrojë me përgjegjësi dhe me art kohën, shoqërinë, Bahri Myftri me kontributin si shkrimtar dhe me arritjet e shënuara, bën pjesë në plejadën e shkrimtaëve të shquar. - P. Jorgoni Tregimet e Bahri Myftarit sugjerojnë një dukuri origjinale të prozës sonë bashkëkohore. Kemi të bëjmë me kultivim të krijuesi që vjen nga natyra me talentin e rrëfimtarit. - Dr. K. Petriti Shkrimtari Bahri Myftari është njohës i thellë i realitetit dhe si perceptues i fenomeneve, i ngjarjeve, arrin të krijojë personazhe të spikatura, të larmishme dhe me një botë të pasur shpirtërore. - Teodor Laço Gërshetimi i realizmit të thellë me atë të realizmit magjik aq të njohur te shkrimtari i madh Markezi, e gjejmë shpesh dhe lumturisht edhe te tregimtari ynë. - Vath Koreshi.