Kush e sundon botën, Noam Chomsky

Titulli: Kush e sundon botën?
Origjinali: Who rules the world
Gjinia: Histori, marrëdhënie ndërkombëtare
Autori: Noam Chomsky
Shqipëroi: Bora Miçi
Shtëpia botuese: Botart
Viti: 2017
Fq. 340
Pesha: 0.398 kg.
ISBN: 978-9928-219-37-4

Mbi librin

Nëpërmjet një analize tërësore dhe të mprehtë të situatës aktuale ndërkombëtare, Noam Chomsky ekzaminon mënyrën me atë të së cilës Shtetet e Bashkuara të Amerikës, pavarësisht fuqizimit të Europës dhe Azisë, vazhdojnë të përcaktojnë ende në një mase të madhe termat e diskurseve globale.

Nëpërmjet një game të gjerë shembujsh, duke filluar nga historia e ndyrë e përfshirjes së SHBA – së në Kubë e deri te zhvillimet më të fundit në Kinë, nga memorandumet e torturave e deri te sanksionet kundër Irakut, ai na tregon në detaje se si retorika e Amerikës për Lirinë dhe të Drejtat e Njeriut shumë shpesh është e ndryshme nga veprimet e saj.

Ai rrëmon thellë në konfliktet në Irak, Afganistan dhe atë midis Izraelit dhe Palestinës, duke na shpalosur përpara syve një pamje befasuese dhe me nuanca të veprave të fuqisë imperiale në planetin tonë, që sa vjen e po bëhet më kaotike.

Në këtë proces, Noam Chomsky na ofron një anatomi brilante të elitave amerikane, të cilat sa vjen e po izolohen më shumë, si pasojë e kufizimeve demokratike ndaj veprimeve të tyre. E megjithatë, argumenton ai, ne nuk mund t'ia lejojmë vetes të dorëzohemi përpara këtyre zhvillimeve.

Me ndryshimet klimaterike dhe përhapjen e armëve bërthamore që kërcënojnë ekzistencën e qytetërimit njerëzor në thelb, nevoja e publikut për ta shpëtuar botën nga katastrofa sa vjen e rritet.

Libri "Kush e sundon botën?" i mbështetur në prova të forta, të bollshme dhe jashtëzakonisht të sakta, shpalos domosdoshmërinë e të kuptuarit të çështjeve thelbësore të kohës sonë, gjë të cilën e shpresonim nga Chomsky.

Komente mbi autorin

"Chomsky është një fenomen global... Ai ka të ngjarë të jetë shkrimtari më i lexuar amerikan për politikën e jashtme në planet."

The New York Times Book Review

"Me një logjikë të pamëshirshme Chomsky na ofron të dëgjojmë nga afër atë që na thonë udhëheqësit dhe të zbulojmë atë që nuk na thonë... Jemi apo nuk jemi dakord me të, duke mos e dëgjuar humbasim."

Business Week

"Si arritëm të bëheshim perandori? Librat e Noam Chomsky – t, qytetarit më të dobishëm të Amerikës, janë përgjigjja më e mirë për këtë pyetje."

The Boston Globe

"Ka të ngjarë që nëse Shtetet e Bashkuara të Amerikës ndjekin rrugën e Britanisë së shekullit XIX, interpretimi i Chomsky – t do të jetë standardi i historianëve edhe njëqind vite më vonë."

The New Yorker

"Për të gjithë ata që duan të dinë më shumë për botën ku jetojmë... ka vetëm një përgjigje të thjeshtë: lexoni Noam Chomsky – n."

New Statesman