Kategoritë e librave

Librat sipas botuesit

Autorë të përzgjedhur

PayPal

Njoftime me email

Kodi Civil 1929, Kodi Civil i Zogut Shihe të plotë

Kodi Civil 1929, Kodi Civil i Zogut

Kodit Civil i Mbretërisë Shqiptare, miratuar më 1 prill të vitit 1929, hartuar nën ndikimin e modelit francez, u quajt jo rastësisht Kodi Civil i Zogut. Ai do të përfaqësonte një risi në realitetin që prezantonte shteti dhe shoqëria shqiptare e asaj kohe.

Info shtesë

SKU001271

Disponueshëria: Ne gjendje

$22.82

Me ulje çmimi!

-10%

$25.35

Klientët që blenë këtë libër, blenë edhe...

Titulli: Kodi Civil 1929, Kodi Civil i Zogut (me kapak të trashë)
Origjinali: Kodi Civil 1929, Kodi Civil i Zogut (me kapak të trashë)
Gjinia: Drejtësi
Shtëpia botuese: Papirus
Viti: 2010
Pesha: 0.461 kg
ISBN: 978-99956-808-6-2

Koment nga botuesit

E ribotuam këtë libër duke menduar se ai ka jo vetëm vlera historike (është kodi i parê shqiptar dhe eshtë e habitshme të mendohet që Shqipêria e vitit 1929 ka pasur një kod sa të plotë aq edhe përparimtar. Sigurisht që këtu meritë kanë kodet e vendeve të huaja mbi të cilat ai u mbështet) por edhe vlerë juridike aktuale pasi ende sot shumë dosje të trashëgimisë dhe pronësisë zgjidhen me këtë kod ose i referohen atij.

Pra ai vazhdon ende të jetë një instrument i rëndësishëm pune për avokatët, juristët e gjyqtarët si dhe për të gjithë specialistët kësaj fushe. Nuk po përmend pastaj gjuhën, pêr tê cilên ne kemi njê dobêsi; aty ka shumë fjalë të bukura të vjetra të shqipes që, fatkeqësisht, sot përdoren shumë rrallë.

Koment nga Kudret Çela dhe Juliana Latifi

Kodit Civil i Mbretërisë Shqiptare, miratuar më 1 prill të vitit 1929, hartuar nën ndikimin e modelit francez, u quajt jo rastësisht Kodi Civil i Zogut. Ai do të përfaqësonte një risi në realitetin që prezantonte shteti dhe shoqëria shqiptare e asaj kohe.

Padyshim, të drejtat e huaja, e veçanërisht ato franceze, italiane dhe deri diku gjermane e zvicerane, do të frymëzonin legjislatorin shqiptar për të sanksionuar në dispozitat e tij barazinë e të gjithë qytetarëve, emancipimin e pronësisë mbi tokën dhe lirinë për angazhim në aktivitete ekonomike.

Pranimi i të drejtës së huaj në Kodin Civil të Zogut, më shumë se "një çështje cilësie", ishte një "çështje pushteti", sepse të drejtat e huaja, sidomos ajo franceze dhe italiane, të cilat gjetën sanksionimin e tyre në këtë Kod, ishin të drejta që i përkisnin ndikimit shpirtëror të civilizimit modern, dhe mbi të gjitha, atij të "Rilindjes italiane" dhe të "Revolucionit francez".

Hyrja në fuqi e Kodit Civil të Zogut do të diktonte edhe përkatësinë e të drejtës civile shqiptare në familjen romano-gjermanike, duke e shkëputur atë përfundimisht nga e drejta otomane. Edhe pse Kodi Civil i Zogu, i hartuar dhe i bazuar në legjislacionet më bashkëkohore të kohës, personifikonte vlera pozitive historike, ndryshimet që ndodhën në Shqipëri pas Luftës së Dytë Botërore, me vendosjen e të ashtuquajturit "pushtet popullor", do të sillnin shfuqizimin e tij, dhe njëherazi, regresin legjislativ, social dhe ekonomik.

Risjellja në jetë e këtij Kodi, nëpërmjet ribotimit në këtë përvjetor të 81-të të tij, pavarësisht kohës së gjatë që ka kaluar, bën që edhe sot ky Kod të ruajë karakterin bashkëkohor, individualitetin dhe integritetin e tij, jo vetëm sepse në themel të tij qëndrojnë ideja e mbrojtjes së të drejtave dhe lirive themelore të njeriut si dhe modeli demokratik i shoqërisë që e frymëzoi atë, të cilët mbeten të vlefshëm në çdo kohë, por edhe se ai vazhdon, ende aktualisht, të jetë një istrument pune për specialistët e kësaj fushe.